បញ្ចូលអត្ថបទ ៖ ព្រះអាទិត្យ
ថ្ងៃអង្គារ ទី១០ ខែមីនា ឆ្នាំ២០១៥ ម៉ោង ១៦:២៦
ខេត្តកំពង់ឆ្នាំង ៖ យុវជនម្នាក់ដឹងខ្លួនឯងថា បានពុលត្រីក្រពត ក៏បានប្រញាប់ជិះម៉ូតូឌុបមកមន្ទីរពេទ្យជាបន្ទាន់ ដើម្បីឱ្យក្រុមគ្រូពេទ្យជួយសង្គ្រោះ ដែលហេតុការណ៏នេះកើតឡើងកាលពីវេលាម៉ោង១០ និង៣០នាទីព្រឹកថ្ងៃទី១០ មីនា ២០១៥ នេះ ស្ថិតនៅលំនៅឋានក្នុងភូមិកណ្តាល សង្កាត់កំពង់ឆ្នាំង ក្រុងកំពង់ឆ្នាំង ។
ប្រភពបានឱ្យដឹងថា ជនរងគ្រោះឈ្មោះវ៉ាន់ រដ្ឋា អាយុ២២ឆ្នាំ មានទីលំនៅក្នុងភូមិកើតហេតុខាងលើ ។
ប្រភពបន្តថា នៅមុនពេលកើតហេតុ ឪពុកម្តាយបានចេញទៅស្រែប្រាំងអស់ ដោយទុករូបគេនៅផ្ទះម្នាក់ឯង ។ ហើយនៅវេលាម៉ោង៨ព្រឹក រូបគេបានទៅផ្សារទិញត្រីក្រពតបាន៤ក្បាល ក៏យកមកស្ងោដើម្បីទុកហូបជាមួយបាយថ្ងៃត្រង់ ។ លុះដល់ម៉ោងប្រហែលជា១០ព្រឹក រូបគេបានហូបត្រីកំពតដែលស្ងោនោះអស់ទាំង៤ក្បាល ស្រាប់តែក្រោយហូបបាយប្រហែល១ម៉ោង បានធ្វើទុកចុកពោះ វិលមុខ ព្រមទាំងតឹងទ្រូង ថប់ដង្ហើម ទើបដឹងខ្លួនថា បានពុលត្រីក្រពតក៏ប្រញាប់ជិះម៉ូតូឌុបមកមន្ទីរពេទ្យខ្លួនឯង ព្រោះនៅផ្ទះគាត់គ្មានអ្នកនៅជាមួយទេ ។ពេលមកដល់មន្ទីរពេទ្យ គាត់ប្រាប់ឱ្យមន្ត្រីនគរបាលម្នាក់ជួយផ្តល់ដំណឹងទៅឪពុកម្តាយ ដើម្បីឱ្យមកជួយមើលគាត់ផង។From: http://kohsantepheapdaily.com.kh/article/116321.html
Post a Comment