khmerk-news: សិល្ប

Showing posts with label សិល្ប. Show all posts

bok lik lakana 10 yang derl lokneak min ban derng pi bukkalek osjar

នៅពេលដែលមានសំនួរមួយសួរថា តើបុគ្គលិកអស្ចារ្យប្រកបដោយសក្ដានុពលខុសពីបុគ្គលិកល្អដូចម្តេចខ្លះ? សំនួរនេះនឹងមិនមានចម្លើយដូចគ្នានោះឡើយ នៅពេលដែលលោកអ្នកបានសួរមនុស្សផ្សេងៗគ្នា។ ទោះបីជាបែបនេះក្តី បើនៅក្នុងកន្លែងការងាររបស់លោកអ្នក លោកអ្នកសង្កេតឃើញថា មានបុគ្គលិកម្នាក់មានលក្ខណៈសម្បត្តិ ១០ យ៉ាងខាងក្រោមនេះ នោះអាចបញ្ជាក់បានថា បុគ្គលិកនោះជាបុគ្គលិកអស្ចារ្យគួរតែត្រូវបានលើកតម្កើង។

១) អន្ទះសាចង់រៀនសូត្រគ្រប់ទិដ្ឋភាពនៅក្នុងក្រុមហ៊ុន បុគ្គលិកដែលពោរពេញដោយសក្ដានុពលមិនអាចកំណត់ព្រំដែនការចង់ចេះចង់ដឹង ឬ ការស្វែងយល់របស់ខ្លួនត្រឹមតែការងារដែលខ្លួនធ្វើប៉ុណ្ណោះនោះឡើយ។ បុគ្គលិកប្រភេទនេះ មើលឃើញថា នៅមានអ្វីជាច្រើនទៀតដែលខ្លួនអាចទទួលបានពីក្រុមហ៊ុននេះ ហេតុដូច្នេះហើយបានជា ពួកគេចង់រៀនសូត្របង្កើនជំនាញល្អៗរបស់ខ្លួនស្វាគមន៍អ្នករួមការងារគ្រប់ជាន់ថ្នាក់។
តើត្រូវធ្វើដូចម្តេច? អ្នកគ្រប់គ្រង គួរចំណាយពេលវេលាវិនិយោគចំណេះដឹង ជំនាញ បំពាក់បំប៉នដល់បុគ្គលិក ពីយុទ្ធសាស្ត្រទីផ្សារ គណនេយ្យ ការគ្រប់គ្រង និង ការផ្តល់លទ្ធភាពគ្រប់គ្រាន់ដល់បុគ្គលិកគ្រប់រូបមានឱកាសល្អនៅក្នុងការងាររបស់ខ្លួន។

២) ជួយគ្រប់គ្រង និង ការពារសុវត្ថិភាពក្រុមហ៊ុនគ្រប់ពេលវេលា បុគ្គលិកដែលមានសមត្ថភាពខ្ពស់ ក៏ជាបុគ្គលិកមួយរូបដែលមានទំនួលខុសត្រូវក្នុងក្រុមហ៊ុនរបស់ខ្លួនផងដែរ។ ពួកគេបានព្យាយាមប្រើសមត្ថភាពរបស់ខ្លួនដើម្បីជួយការពារប្រយោជន៍ក្រុមហ៊ុនឲ្យអស់ពីលទ្ធភាពប្រៀបដូចជាផលប្រយោជន៍របស់ខ្លួនផងដែរ ដូចជាការចំណាយ ដោះស្រាយបញ្ហាផ្សេងៗ និង ការជំរុញឲ្យមានភាពជាវិជ្ជមាននៅក្នុងក្រុមហ៊ុនក្នុងរយៈពេលយូរ។ តើត្រូវធ្វើដូចម្តេច? អ្នកគ្រប់គ្រងក្រុមហ៊ុនត្រូវមានតម្លាភាព ចែករំលែកផលចំណេញ និង គោលការណ៍សមធម៌ដើម្បីជួយឲ្យបុគ្គលិកបង្កើតបានការសម្រេចចិត្តដ៏ត្រឹមត្រូវមួយ។ …ស្ថាបនិក vbuild leaders ប្រាប់ពីទម្លាប់ប្រចាំថ្ងៃចំនួន ១៦សម្រាប់សហគ្រិនឆ្នើម…
៣) បង្កើតឲ្យមានឱកាសនានាដល់ក្រុមហ៊ុន ដើម្បីជួយឲ្យក្រុមហ៊ុនមួយលូតលាស់ បុគ្គលិកដែលមានសក្ដានុពលមិនចាំបាច់ក្លាយទៅជាអ្នកលក់ ឬ អ្នកទីផ្សារដ៏អស្ចារ្យនោះឡើយ។ ការកសាងបណ្ដាញទំនាក់ទំនងដ៏រឹងមាំមួយពីគ្រប់មជ្ឈដ្ឋានរបស់ក្រុមហ៊ុន គឺជាបង្កើតឲ្យមានកាលានុវត្តភាព (ឱកាស)មួយ ជួយជ្រោមជ្រែងជាវិជ្ជមានដល់ក្រុមហ៊ុនរួចស្រេចទៅហើយ ។

តើត្រូវធ្វើដូចម្តេច? អ្នកគ្រប់គ្រងក្រុមហ៊ុនត្រូវធានាថា បុគ្គលិកគ្រប់រូបបានយល់ពីអ្វីដែលជាគុណតម្លៃរួមរបស់ក្រុមហ៊ុន និង មានភាពងាយស្រួលក្នុងការកំណត់ឱកាសនានា បន្ទាប់មកផ្តល់រង្វាន់លើកទឹកចិត្តចំពោះការខិតខំប្រឹងប្រែងរបស់ពួកគេ។

៤) មានសមត្ថភាពដោះស្រាយបង្ហា ជាជាងបង្កបញ្ហា បុគ្គលិកដែលគួរឲ្យតម្លៃ និង មានសក្ដានុពលបានស្តែងឲ្យឃើញនូវប្រព័ន្ធមួយដែលជាគោលការណ៍នាំមកនូវការអភិវឌ្ឍដល់ក្រុមហ៊ុន សម្រាប់ការផ្លាស់ប្ដូរជាវិជ្ជមានទោះបីជាអ្នកគ្រប់គ្រងរបស់ខ្លួនមិនទាន់បានលើកសំណើឡើងក្នុងការដោះស្រាយបញ្ហាទាំងនោះក៏ដោយ។ តើត្រូវធ្វើដូចម្តេច? អ្នកគ្រប់គ្រងត្រូវធ្វើឲ្យមានភាពទំនាក់ទំនងយ៉ាងច្បាស់លាស់ជាមួយនឹងបុគ្គលិកភ្ជាប់ទៅនឹងបេសកកម្មរបស់ក្រុមហ៊ុនពីគោលដៅដែលក្រុមហ៊ុនចង់ទៅ និង លើកទឹកចិត្តផ្ដួចផ្ដើមឲ្យមានសន្តិភាពផ្លូវចិត្ត និង សុវត្ថិភាព រួមទាំងការផ្តល់ថាមពលគាំទ្រដល់ការផ្លាស់ប្ដូរនោះ។
៥) បង្ហាញពីការពិតនូវអ្វីដែលនឹងប្រឈមមុខ នេះជាចំណុចពិសេសមួយទៀតរបស់បុគ្គលិកដ៏គួរឲ្យតម្លៃ ត្បិតអីខ្លួនបានយល់ច្បាស់ថា ការលាក់ទុកព័ត៌មានអាក្រក់ៗមិនមែនជារឿងល្អមួយសម្រាប់មនុស្សគ្រប់គ្នានៅក្នុងក្រុមហ៊ុនបាននោះឡើយ។ បុគ្គលិកប្រភេទនេះបានប្រាប់មនុស្សគ្រប់គ្នាពីអ្វីដែលចាំបាច់ មុននឹងមានជួបហានិភ័យអ្វីមួយ និង ស្វែងករវិធីសាស្ត្រជាវិជ្ជមានមួយនៅពេលទំនាក់ទំនងទៅមនុស្សទាំងនោះ។ តើត្រូវធ្វើដូចម្តេច? អ្នកគ្រប់គ្រងត្រូវជំរុញឲ្យមានកិច្ចពិភាក្សា និង ការទំនាក់ទំនងដោយបើកចំហមួយពីអ្វីដែលជាការពិតកំពុងកើតមាននៅក្នុងក្រុមហ៊ុនដោយមិនលាក់លៀម។ …បុគ្គលិកដែលមិនសូវចុះសម្រុងនឹងក្រុមការងារ លេចឡើងសញ្ញាណទាំង ១៣ នេះ…
៦) បង្ហាញពីបទដ្ឋានស្តង់ដារការងារទប់ទល់នឹងភាពអសកម្មក្នុងការងារ បុគ្គលិកដែលអស្ចារ្យ ជានិច្ចកាលបង្ហាញឲ្យឃើញការអនុវត្តប្រកបដោយសមត្ថភាពខ្ពស់លើការងាររបស់ខ្លួន។ បុគ្គលិកប្រភេទនេះបានផ្តល់ទំនុកចិត្តមួយដល់អ្នកគ្រប់គ្រងក្នុងការបំពេញការងាររបស់ខ្លួនជាមួយនឹងស្តង់ដារការងារខ្ពស់ និង ភាពជាអ្នកដឹកនាំដែលកើតចេញពីខ្លួនឯងផ្ទាល់។ តើត្រូវធ្វើដូចម្តេច? អ្នកគ្រប់គ្រងត្រូវបង្ហាញឲ្យមានភាពជាគំរូនៅក្នុងការអនុវត្តការងារ ទន្ទឹមនឹងការផ្តល់រង្វាន់បើកចំហពីអ្វីដែលបុគ្គលិករូបនោះសម្រេចបាន។
៧) ធ្វើការអភិវឌ្ឍន៍ដោយខ្លួនឯង និង អ្នកដទៃទៀត បុគ្គលិកប្រភេទនេះ បានបង្ហាញភាពជាអ្នកដឹកនាំជាគំរូមួយក្នុងការបំពេញការងាររបស់ខ្លួនឲ្យជោគជ័យ និង ជំរុញឲ្យអ្នករួមការងារផ្សេងទៀតជោគជ័យដូចខ្លួនដែរដោយមិនមានការស្អប់ខ្ពើម រើសអើង ឬ បង្កឲ្យមានការថ្នាក់ថ្នាំងចិត្តអ្វីនោះឡើយ។ លើសពីនេះ បុគ្គលិកដ៏អសា្ចរ្យគូសវាសពីអនាគតដ៏ល្អមួយ ដែលមនុស្សគ្រប់គ្នាអាចជោគជ័យដូចគ្នា។ តើត្រូវធ្វើដូចម្តេច? អ្នកគ្រប់គ្រងត្រូវលើកទឹកចិត្តឲ្យមានការអភិវឌ្ឍសមត្ថភាពខ្លួនឯង និង ភាពរីកចម្រើននៅក្នុងក្រុមការងារ ជាមួយនឹងការខិតខំប្រឹងប្រែង រួមទាំងការរៀនសូត្រសម្រាប់អភិវឌ្ឍអាជីពការងារ។
៨) ស្រាវជ្រាវ អនុវត្ត និង ធ្វើឲ្យកាន់តែប្រសើរឡើង គ្មានអ្នកណាម្នាក់អាចចេះគ្រប់យ៉ាងនោះទេ ប៉ុន្តែបុគ្គលិកដែលមានសមត្ថភាពខ្ពស់ គឺជាបុគ្គលិកមួយរូបដែលព្យាយាមសិក្សារៀនសូត្រ អនុវត្ត និង ជំរុញឲ្យមានភាពល្អប្រសើរជាលំដាប់នៅក្នុងក្រុមហ៊ុនពីមួយជំហានទៅមួយជំហាន។ តើត្រូវធ្វើដូចម្តេច? អ្នកគ្រប់គ្រងគួរតែវិនិយោគពេលវេលាមួយចំនួនផ្តល់ឱកាសឲ្យពួកគេចេះស្រាវជ្រាវ និង ស្វែងរកអ្វីដែលមានតម្លៃសម្រាប់ក្រុមហ៊ុន និង ការអភិវឌ្ឍន៍សមត្ថភាពរបស់ពួកគេ។ ជំរុញឲ្យបុគ្គលិកគ្រប់រូបស្វែងរកចក្ខុវិស័យគម្រោងការងារយ៉ាងស៊ីជម្រៅមួយ និងការផ្តល់រង្វាន់លើកទឹកចិត្តពីសមិទ្ធផលនៃការស្រាវជ្រាវនោះ។ …

៥ ជំហានធ្វើឲ្យទំនាក់ទំនងរវាងក្រុមហ៊ុន និង បុគ្គលិកកាន់តែស្អិតល្មួត…

៩) បង្កើតបរិយាកាសប្រកបដោយសុភមង្គលដល់ក្រុមហ៊ុន បុគ្គលិកអស្ចារ្យបានយល់ពីអ្វីដែលជាថាមភាពនៅក្នុងកន្លែងការងារដែលនោះ គឺតម្លៃការងារ និង មិត្តភាពទៅកាន់មនុស្សគ្រប់គ្នា។ ការស្គាល់ខ្លួនឯងនេះបានធ្វើឲ្យខ្លួនអាចរកឃើញពីអ្វីដែលគួរតែផ្តល់ជូនដល់គ្រួសារ មិត្តភាព និង ការសម្រេចចិត្តនានានៅក្នុងអាជីពការងាររបស់ខ្លួនប្របដោយភាពរីករាយ។ តើត្រូវធ្វើដូចម្តេច? អ្នកគ្រប់គ្រង ត្រូវបង្កើតបរិយាកាសការងារមួយដែលបុគ្គលិកគ្រប់រូបអាចបង្ហាញពីអារម្មណ៍របស់ពួកគេដោយបើកចំហ។ លើកទឹកចិត្តឲ្យពួកគេខិតខំប្រឹងប្រែងធ្វើការងារតាមគ្រប់មធ្យោបាយដើម្បីឈានទៅដល់ការសម្រេចក្តីសុបិន្ដរបស់ពួកគេ។
) ជួយឲ្យអ្នកគ្រប់គ្រងមានការអភិវឌ្ឍដែរ បុគ្គលិកដែលអស្ចារ្យប្រកបដោយសក្ដានុពល មិនត្រឹមតែធ្វើឲ្យខ្លួនឯង និង អ្នករួមការងារទទួលបានជោគជ័យប៉ុណ្ណោះទេ តែថែមទាំងអាចផ្តល់កម្លាំងចិត្តមួយធ្វើឲ្យអ្នកគ្រប់គ្រងមានភាពកក់ក្តៅផងដែរ។ គុណតម្លៃនៃការងារ និង ការខិតខំប្រឹងប្រែងរបស់ខ្លួន បានធ្វើឲ្យអ្នកដឹកនាំមានទឹកចិត្ត និង ចេះអភិវឌ្ឍន៍ខ្លួនតាមបុគ្គលិករូបនេះដែរ។ តើត្រូវធ្វើដូចម្តេច? អ្នកគ្រប់គ្រងត្រូវផ្តល់ការគាំទ្រឲ្យអស់ពីចិត្ត និង ភាពស្មោះត្រង់ដល់បុគ្គលិករូបណាដែលបង្ហាញពីគុណតម្លៃដ៏ល្អ និង ការខិតខំប្រឹងប្រែងដល់ក្រុមហ៊ុន ដើម្បីឲ្យបុគ្គលិកមានអារម្មណ៍ថា សមិទ្ធផលរបស់ខ្លួនត្រូវបានយកចិត្តទុកដាក់ជាសំខាន់៕

from: thebnews.com

Posted by Unknown 13:20 0 comments

សិល្ប

២០ ចំណុច ដែលមនុស្សស្រីចង់បានខ្លាំងបំផុតពីមិត្តប្រុស

ផ្តល់សិទ្ធិដោយ មង្គលការ
បុរសៗតែងតែត្អូញត្អែថា មនុស្សស្រីពិបាកនឹងយល់ចិត្តបន្តិច។ ប៉ុន្តែប្រសិនបើអ្នកសម្លឹងមើលឲ្យកាន់តែជ្រៅ អ្នកនឹងបានយល់ពីអ្វីដែលនាងចង់បាន។ ពិតប្រាកដណាស់ គ្មានអ្នកណាម្នាក់ នៅលើផែនដីនេះអាចអះអាងថា អ្នកមានចំណេះដឹងពេញលេញទើបអាចយល់ពីចិត្តរបស់មនុស្សស្រីនោះ។

ទាល់តែអ្នកអាចធ្វើខុសម្តងទៅពីរដង ទើបអ្នករកឃើញថា អ្វីដែលធ្វើឲ្យនាងសប្បាយចិត្ត និងអ្វីដែលរំខានចិត្តនាង។ កុំបារម្ភ ប្រសិនបើអ្នកមានកំហុស គ្រាន់តែនិយាយពាក្យថា សុំទោស ហើយព្យាយាមធ្វើរឿងផ្សេងៗដែលទាក់ទាញចិត្តនាង។
តើអ្នកឆ្ងល់ទេថា ហេតុអ្វីបានអ្នកគួរចាប់ផ្តើមជំហ៊ាន ដើម្បីធ្វើឲ្យទាក់ទាញចិត្តនាង? នៅពេលអ្នកស្រឡាញ់អ្នកណាម្នាក់ អ្នកនឹងព្យាយាមធ្វើឲ្យមនុស្សម្នាក់នោះសប្បាយរីករាយ។ ដូច្នេះប្រសិនបើអ្នកព្យាយាមធ្វើឲ្យនាងសប្បាយចិត្ត នោះនាងប្រាកដជាចាប់អារម្មណ៏លើអ្នក។ ខាងក្រោមនេះជាវិធីសាស្ត្រមួយចំនួនដើម្បីចាប់ផ្តើម៖
ឱបចង្កេះនាង
ត្រូវប្រុងប្រយ័ត្ននៅពេលអ្នកធ្វើបែបនេះ។ ប្រសិនបើអ្នកគ្មានអារម្មណ៏ស្និតស្នាលគ្រប់គ្រាន់ចំពោះនាងទេ ឬប្រសិនបើនាងមានអារម្មណ៏មិនល្អ នេះអាចធ្វើឲ្យនាងខឹង។ ប៉ុន្តែបើមិនដូច្នេះទេ នាងប្រាកដជាចូលចិត្តវា។
ពេលនិយាយជាមួយនាង
ពេលនិយាយជាមួយនាង មិនមែនមានន័យថា អ្នកជាអ្នកនិយាយរហូតនោះទេ។ ត្រូវយកចិត្តទុកដាក់ស្តាប់ការរៀបរាប់របស់នាងឲ្យ ទើបធ្វើឲ្យនាងមានអារម្មណ៏ល្អ។
ប្រាប់រឿងអាថ៌កំបាំងគ្រប់យ៉ាងដល់នាង
ប្រាប់នាងនូវរឿងអាថ៌កំបាំងរបស់អ្នក… ប៉ុន្តែត្រូវបញ្ជាក់នាងថា អ្នកបាននិយាយរឿងអាថ៌កំបាំងទាំងអស់របស់អ្នកប្រាប់នាងអស់ហើយ។
យកអាវធំរបស់អ្នកពាក់ឲ្យនាង
នេះជាសកម្មភាពមួយបង្ហាញភាពជាអ្នកការពារ។ មនុស្សស្រីស្រឡាញ់ចូលចិត្តអ្នកមើលថែនាង។
មកនៅស្និតនឹងនាងបំផុត តែកុំថើប…
សកម្មភាពនេះនឹងបង្កើតក្តីរំពឹងទុករបស់នាង ប៉ុន្តែនៅពេលអ្នកមកនៅក្បែរដោយមិនថើប វានឹងធ្វើឲ្យនាងកាន់តែចង់ឲ្យអ្នកថើប។ ត្រូវចេះគ្រប់គ្រងឥរិយាបថឲ្យបានល្អ។
ឱបនាងពីក្រោយ
ពេលខ្លះ មនុស្សស្រីចូលចិត្តឲ្យគូស្នេហ៏ឱបនាងពីក្រោយ។ សាកល្បងបែបនេះ បើអាចទៅរួច។
ឱបនាងឲ្យណែនៗ
ការឱបណែនៗធ្វើឲ្យគូស្នេហ៏ទាំងពីរស្រឡាញ់គ្នាខ្លាំងឡើង។ កុំស្ទាក់ស្ទ័រនឹងវាស់ស្ទង់ចំណង់តណ្ហារបស់អ្នកដោយការឱបណែនៗ។
ធ្វើឲ្យនាងសើច
មនុស្សស្រីស្រឡាញ់ការលេងកំប្លុកកំប្លែង។ យូរៗម្តង អ្នកអាចនិយាយរឿងកំប្លែងឲ្យនាងស្តាប់ និងធ្វើឲ្យនាងសើច។
នាំនាងទៅចូលរួមពិធីជប់លៀងមិត្តភក្តិរបស់អ្នកដែរ
ឥរិយាបថបែបនេះបង្ហាញថា អ្នកចង់ប្រាប់ពិភពលោកនេះពីស្នេហារបស់អ្នក។
ចេញទៅដើរលេងជាមួយមិត្តភក្តិរបស់នាង
ចំណាយពេលខ្លះជាមួយមិត្តភក្តិនាង ហើយត្រូវចុះសម្រុងនឹងគ្នាឲ្យបានល្អ។ ចំណុចមួយនេះនឹងធ្វើឲ្យនាងសប្បាយចិត្តបំផុត។
ឲ្យនាងគេងលើភ្លៅរបស់អ្នក
ធ្វើឲ្យនាងមានអារម្មណ៏កក់ក្តៅ និងក្តីស្រឡាញ់ក្នុងរង្វង់ដៃរបស់អ្នក។ ឲ្យនាងគេងលើភ្លៅរបស់អ្នក នៅពេលនាងប្រាប់រឿងផ្អែមល្អែមដល់អ្នក។
គេងលើភ្លៅនាង

នៅពេលនាងមានអារម្មណ៏ល្អ អ្នកគេងលើភ្លៅនាងហាក់បីដូចជា កូនក្មេងតូចម្នាក់។ នាងនឹងមានអារម្មណ៏ល្អ នៅពេលអ្នកមានភាពកក់ក្តៅជាមួយនាង។
ថើបនាងភ្លាមៗ
មនុស្សស្រីចូលចិត្តអារម្មណ៏រីករាយ ភ្ញាក់ផ្អើល ហើយសកម្មភាពនេះនឹងមានប្រសិទ្ធិភាព ប្រសិនបើនាងស្រឡាញ់អ្នក។
ឧស្សាហ៏ប្រាប់ដល់នាងថា នាងស្អាត
ពេលខ្លះ អ្នកក៏ត្រូវការនិយាយពាក្យកុហកដែរ។ ប៉ុន្តែអ្នកនឹងសប្បាយចិត្ត ក្រោយពេលអ្នកសរសើរនាង។
រក្សាការផ្ញើសារទៅនាង
ស្ទាបស្ទង់ស្នេហារបស់អ្នកតាមរយៈសារអ្នក។
នៅជាមួយនាង ពេលនាងមិនសប្បាយចិត្ត
នេះជាកត្តាមួយដ៏សំខាន់បំផុតដែលអាចសម្រេចអនាគតស្នេហារបស់អ្នក។ ត្រូវនៅក្បែរនាងពេលដែលនាងចង់នៅក្បែរអ្នក។
ដុះពុកចង្ការ និង…
ទុកពុកចង្ការ ហើយត្រដុសនឹងស្មារបស់នាង នៅពេលនាងកំពុងគេង។ ប្រយ័ត្ន៖ ប្រសិនបើពុកចង្ការរបស់អ្នករឹង, ស្រួច ឬគ្មានអនាម័យ ការធ្វើបែបនេះនឹងធ្វើឲ្យនាងខឹង។
សុំនាងរៀបការ
នៅថ្ងៃណាមួយ ពេលដែលនាងមានក្តីរំពឹងតិចតួច ត្រូវសុំនាងរៀបការ ហើយប្រាប់នាងថា ជីវិតរបស់អ្នកនឹងគ្មានន័យ លុះត្រាតែអ្នកបានរៀបការជាមួយនាង។
រៀបការនឹងនាង
ការរៀបការជារឿងមួយសំខាន់បំផុត ដែលមនុស្សស្រីចង់បាន។ រៀបការនឹងនាង ហើយធ្វើឲ្យនាងមានសុភមង្គល។
ធ្វើអាហារសម្រាប់នាង
តើអ្នកពិតជាចង់រៀបការជាមួយនាងមែនទេ? ចាប់ផ្តើមចម្អិនអាហារឲ្យនាងញ៉ាំ ប្រសិនបើអ្នកពិតជាស្រឡាញ់នាងមែន៕
0 មតិយោបល់របស់ប្រិយមិត្ត

From: khmer-press.com

Posted by Unknown 21:10 0 comments

សិល្ប

ល្បែងទាញព្រ័ត្រត្រូវបានអង្គការ UNESCO បញ្ចូលក្នុងបញ្ជីបេតិកភណ្ឌវប្បធម៌អរូបី

រាជធានីភ្នំពេញ៖ នៅថ្ងៃទី២១ ខែមករា ឆ្នាំ២០១៦នេះ តំណាងអង្គការ UNESCO (យូណេស្កូ) បានប្រគល់វិញ្ញាបនបត្រទទួលស្គាល់ ការចុះបញ្ចូល”ល្បែងទាញព្រ័ត្រ” របស់ខ្មែរ ក្នុងបញ្ជីបេតិកភណ្ឌវប្បធម៌អរូបី នៃមនុស្សជាតិ ដល់ប្រទេសកម្ពុជា។ នេះបើយោងតាមសេចក្ដីប្រកាសព័ត៌មានរបស់ក្រសួងវប្បធម៌និងវិចិត្រសិល្ប ដែល KQUBE ទទួលបាននៅថ្ងៃនេះ។
ក្នុងសេចក្ដីប្រកាសព័ត៌មានខាងលើ ក្រសួងវប្បធម៌និងវិចិត្រសិល្បៈ បានបញ្ជាក់ផងដែរថា ក្រៅពីការប្រគល់វិញ្ញាបនបត្រទទួលស្គាល់ ការចុះបញ្ចូលល្បែងទាញព្រ័ត្រ ដោយដំណាងអង្គការ UNESCO នៅកម្ពុជា ក៏មានការរៀបចំពិធីជាប្រវត្តិសាស្ត្រ នៃការតភ្ជាប់រវាងព្រះសិរ្សព្រះហរិហរជាសមុច្ច័យ នៃសារមន្ទីជាតិអាស៊ីហ្គឺម៉េ ប្រទេសបារាំង នៅនឹងដងខ្លួនជាសុមច្ច័យនៃសារមន្ទីរជាតិកម្ពុជា ដែលបានបែកគ្នាអស់រយៈពេលជិត១៣០ឆ្នាំមកហើយផងដែរ៕
សូមអានសេចក្ដីប្រកាសព័ត៌មានលម្អិតដូចខាងក្រោម៖

From: khmer-press.com

Posted by Unknown 20:59 0 comments

សិល្ប

វីរីយ៉ា ចេះចំហដើមទ្រូង ព្រោះអ្នកដឹកនាំរឿង

ដោយសារតែអ្នកដឹកនាំរឿង បានធ្វើឱ្យស្រីស្អាត វីរីយ៉ា ក្លាយជាតារាស្រីម្នាក់និយមស្លៀកពាក់បែបសិចស៊ីចំហដើមទ្រូងរហូតមកដល់សព្វថ្ងៃ។ សាមីខ្លួនបានប្រាប់ Sabay កាលពីពេលថ្មីនេះ។
វីរីយ៉ា ប្រាប់ថា៖ “ហ៊ឹម!…ស្ទើរគ្រប់រឿងទៅហើយ ពូកគាត់តែងហៅខ្ញុំហ្នឹងថតជាតួស្លៀកពាក់សិចស៊ី និង កាចឆ្លាស់ ទៅជាទម្លាប់ហើយ”។ វីរីយ៉ា មិនបានប្រាប់ពីចំនួនរឿង ដែលអ្នកនាំតម្រូវឱ្យថតសិចស៊ីកន្លងមកនោះទេ។ ប៉ុន្តែតារារូបនេះបន្ថែមថា ការប្រឡូកនៅក្នុងសិល្បៈប៉ុន្មានឆ្នាំចុងក្រោយ គឺពោរពេញដោយការស្លៀកពាក់បែបសិចស៊ីពិតមែន។ ជាក់ស្ដែងនៅក្នុងសកម្មភាពថតMVសម្រាប់អាល់ប៊ុមចូលឆ្នាំរបស់ផលិតកម្ម រស្មីស្ទឹងសែន ប៉ុន្មានថ្ងៃមុនជាដើម។

ជាមួយគ្នានោះ វ៉រីយ៉ា បញ្ជាក់ថា៖“អឺ!..ខ្ញុំសិចស៊ីមែន ប៉ុន្តែ មិនឱ្យជ្រុលពេកទេ អញ្ចឹងហើយដូចមិនភ័យចំពោះការរិះគន់ពេកដែរ”។ ប៉ុន្តែម្ចាស់ហាងកាហ្វេម្ដុំវត្តភ្នំរូបនេះឱ្យដឹងទៀតថា នាងក៏ជាគំរូសិចស៊ីជាងគេនៅក្នុងហាងផងដែរ សម្រាប់បុគ្គលិកផ្សេងទៀត ព្រោះនេះជាផ្នែកមួយទាក់ទាញអតិថិជនមកផឹកកាហ្វេកាន់តែច្រើនឡើង។

From: http://www.pelprek.com/news-detail--2391.html

Posted by Unknown 23:39 0 comments

សិល្ប

តួឯកស្រីថៃ១០រូបណាខ្លះមានតម្លៃខ្លួនថ្លៃបំផុត?

ប្រទេសថៃ អាចចាត់ទុកបានថា ជាប្រទេសមួយ ដែលមានការរីកចម្រើនគួរឲ្យកត់សម្គាល់នៅក្នុងវិស័យ ឧស្សាហកម្មផលិតភាពយន្ត។ ទន្ទឹមនឹងនេះ យើងសង្កេតឃើញថា តារាសម្តែងភាគច្រើនរបស់ប្រទេសថៃ គឺពោពេញដោយទេពកោសល្យ និងសមត្ថភាព ហើយក៏មានការប្រកួតប្រជែងខ្លាំងផងដែរ។ នៅក្នុងទំព័រនេះ Cool សូមលើកយកនូវតារាស្រីថៃ១០រូបដែលមានភាពល្បីល្បាញ និងមានតម្លៃខ្លួនថ្លៃបំផុតក្នុងការថតខ្សែភាពយន្ត ដែលតារាស្រីទាំងនេះ សុទ្ធតែជាតួឯក។

១. អាំ ផាត់ឆះរាផា។ តារារូបនេះអាចរកចំណូលក្នុងការថតខ្សែភាពយន្តមួយមួយឆាក ឬមួយឈុតបាន ២០០០០០បាត ឬប្រមាណ៦២៥០ដុល្លារអាមេរិក។

២. ជម្ពូរ អារីយ៉ា អេហាកេត។ អេហាកេត អាចរកប្រាក់ចំណូលក្នុងការថតខ្សែភាពយន្តក្នុងមួយឆាក ឬមួយឈុត បាន ១០០០០០បាត ឬប្រមាណ ៣១២៥ដុល្លារអាមេរិក។

៣. អែន ថងប្រះសុំ។ នៅក្នុងខ្សែភាពយន្តមួយឆាក ឬមួយឈុត របស់តារារូបនេះ អាចរកប្រាក់ចំណូលបាន ៨០០០០បាត ឬប្រមាណ២៥០០ដុល្លារអាមេរិក។

៤. នុនវរនុត។ នុនវរនុត អាចរកប្រាក់ចំណូលក្នុងការថតខ្សែភាពយន្តមួយឆាក ឬមួយឈុតបាន ៨០០០០បាត ឬប្រមាណ២៥០០ដុល្លារអាមេរិក។

៥. ផលយ ឈឺម៉ាន។ ឈឺម៉ាន អាចរកប្រាក់ចំណូលក្នុងការថតខ្សែភាពយន្តមួយឆាក ឬមួយឈុតបាន ៨០០០០បាត ឬប្រមាណ ២៥០០ដុល្លារ។

៦. អេប ថាត់សអន។ តារាស្រស់ស្អាតរូបនេះ អាចរកចំណូលពីការថតខ្សែភាពយន្តរបស់ខ្លួនក្នុងមួយឆាក ឬមួយឈុតបាន ៧៥០០០បាត ឬប្រមាណ ២៣៤៣ដុល្លារអាមេរិក។

៧. ចេន នី ធៀនភូសុវ៉ាន់។ ធៀនភូសុវ៉ាន់ អាចរកប្រាក់ចំណូលពីការថតខ្សែភាពយន្តមួយឆាក ឬមួយឈុតបាន ៧៥០០០បាត ឬប្រមាណ ២៣៤៣ដុល្លារអាមេរិក។

៨. ផែនខេក ខេម ម៉ានិត។ តារាស្រស់សោភារូបនេះ អាចរកប្រាក់ចំណូលក្នុងការថតភាពយន្តរបស់ខ្លួនមួយឆាក ឬមួយឈុតបាន ៧០០០០បាត ឬប្រមាណ ២១៨៧ដុល្លារអាមេរិក។

៩. មឹនភិតថយ៉ា។ តារាដែលពោពេញដោយស្នាមញញឹមនិងគួរឲ្យទាក់ទាញរូបនេះ អាចរកប្រាក់ចំណូលពីការថតខ្សែភាពយន្តមួយឆាក ឬមួយឈុតបាន ៥០០០០បាត ឬប្រមាណ ១៥៦២ដុល្លារអាមេរិក។

១០. យាយ៉ា អ៊ុរ៉ាតយ៉ា។ អ៊ុរ៉ាតយ៉ា គឺជាតារាដែលមានភាពគួរឲ្យទាក់ទាញសម្រាប់ស្នាមញញឹមរបស់ នាង ហើយនាងអាចរកប្រាកចំណូលពីការថតភាពយន្តមួយឆាក ឬមួយឈុតបាន ៤៥០០០បាត ឬប្រមាណ១៤០៦ដុល្លារអាមេរិក។

From: http://cool1007.com/article/185

Posted by Unknown 01:26 0 comments

សិល្ប

សុភាពបុរសដែលចង់មានបុត្រពេលខ្លួនអសមត្ថភាពផ្លូវភេទគួរស្វែងយល់ពី៤ចំណុចងាយៗនេះ

១.ការទទួលទានអាហារដែលមានប្រយោជន៍ដល់សុខភាពៈ
អ្នកគួរតែញុំាផ្លែប៉េងប៉ោះ ព្រោះថាផ្លែងនេះសំបូរទឹកកាមច្រើន។ បើតាមទឹកកាមធម្មជាតិសាងមកប៉ុនគ្រាប់ល្ង មាន៩០%មិនមានជីវិតរឹងមាំ មុននិងចូលទៅក្នុងស្បូនស្រ្តី។ ដូច្នេះ បុរសត្រូវតែជ្រើសរើសយក អាហារណាដែលមានប្រយោជន៍ ដូចជា ផ្លែឪឡឹក ល្ហុង និងប៉េងប៉ោះជាដើម។

២.ត្រូវហាត់ប្រាណៈ
ជាធម្មតាទឹកកាមបញ្ចេញម្តងមានចំនួន ១៥លានក្បាលទៅ១៥០លានក្បាល។ អ្នកវិទ្យាសាស្រ្តបានណែនាំឲ្យបុរសហាត់បា្រណបញ្ចេញញើសដើម្បីដុតកំទេចជាតិខ្លាញ់ខាងក្នុងឲ្យបានប្រសើរ។ បន្ថែមលើនេះទៀត ការហាត់ប្រាណអាចជួយបង្កើតទឹកកាម៣៣%ទៀតផងដែរ។

៣ បន្ថយការនិយាយទូរស័ព្ទដើម្បីឲ្យទឹកកាមរឹងមាំង
តាមធម្មតាទឹកកាមប្រើពេលវេលាធ្វើដំណើរ ១២ ទៅ១៤ម៉ោង ក្រោយពីបុរសបានបញ្ចេញទឹកកាម ហើយមានជីវិតរស់នៅទាំងអស់។ មូលហេតុទឹកកាម ហែលទៅចូលក្នុងស្បូនយឺតនោះ អ្នកវិទ្យាសាស្រ្ត បានបញ្ជាក់ថា មកពីបុរសនិយាយទូរស័ព្ទច្រើន ហើយសេវាទូរស័ព្ទអាចធ្វើឲ្យប៉ះពាល់ដល់សុខភាពទៀតផង។

៤ ការពាទឹកកាមឲ្យមានជីវិត
ពេលដែលអ្នកនៅជាមួយដៃគូរ ចូរកុំប្រញាប់ប្រញ៉ាលឡើងឋានសួគ៍លឿនពេក ពីព្រោះថាទឹកកាមរបស់អ្នកអាចនឹងមិនមែនភាពរឹងមាំង។ ផ្ទុយទៅវិញ ពេលដែលអ្នកមិនប្រញាប់ប្រញ៉ាល វាអាចធ្វើឲ្យថាមពលទឹកកាមមានឡើងទៅដល់៧០% ឯណោះ។
ជាកាកត់សំគាល់ គូរស្វាមីភរិយាដែលព្យាយាមមានបុត្រ តែមិនមានបុត្រនោះ សាកល្បងមកប្រើប្រាស់វិធីទាំង៤យ៉ាងនេះ យើងសង្ឈឹមថាលោកអ្នកនឹងសម្រេចតាមសេចក្តីប្រាថ្នា៕

From: http://cool1007.com/article/186

Posted by Unknown 00:56 0 comments

សិល្ប

ឃើញតារាម៉ូដែល ស្លៀករ៉ូបស្អាត ដល់ពេល ទិញមកស្លៀក ខ្លួនឯង បានដឹងថា ខុសគ្នាឆ្ងាយ

ចិន៖ នាពេលបច្ចុប្បន្ននេះ ការលក់សំលៀកបំពាក់តាមអនឡាញកំពុងតែមានការចាប់ អារម្មណ៍យ៉ាងខ្លាំងទូទាំង ពិភពលោក ប៉ុន្តែការទិញទំនិញអនឡាញក៏មានហានិភ័យខ្ពស់ដែរ ដូចជាទំនិញមិន ដូចការបង្ហោះលក់ ពណ៌មិន ដូចគ្នា និងមានគុណភាព។ ចំនែកឯទំនិញស្លៀកមិនសមរាងក៏ជាបញ្ហាមួយដែរ ជាក់ស្តែងដូចស្ត្រីម្នាក់បានកុម្ម៉ង់ ទិញរ៉ូប មួយតាមអនឡាញ Taobao ដោយសារតែឃើញតារាម៉ូដែលស្លៀករ៉ូបនោះស្អាតឥតខ្ចោះ។

From: knn-news.com

Posted by Unknown 00:27 0 comments

ព័ត៌មានស័ង្គម, សិល្ប

ឈុតនៅផ្ទះរបស់ស្រ្តីខ្មែរ ដែលតែងដុតរោលអារម្មណ៌ បុរសៗខ្មែរ

ឈុតសំលៀកបំពាក់គឹជាផ្នែកមួយនៃការរឹតចំណងស្នេហ៌ប្តីប្រពន្ធ ព្រោះបើសិនជានារីៗចេះជ្រើសរើសសំលៀកបំពាក់ និងស្លៀកត្រូវតាមពេលវេលា វានឹងធ្វើអោយបុរសៗលុងស្នេហ៌រាល់ៗថ្ងៃ មិនមានចិត្តគេចបែកឆ្វេងរកអ្នកក្រៅនាំតែដំបៅចិត្តនោះទេ។

អ្វីដែលបុរសៗខ្មែរស្ទើតែទាំងអស់តែងទប់អារម្មណ៌មិនបាននោះគឺ នៅពេលគេឃើញភរិយារបស់ខ្លួុនចោមពុងសារុងងូតទឹក (សម្រាប់អ្នកនៅជនបទ) និងចោមពុងសារុងស្តើងៗពេលចូលគេ (សម្រាប់អ្នកនៅទីក្រុងខ្លះ)។ ដូចលោកអ្នកបានដឹងហើយថា សំពតប្រពៃណីខ្មែរគឺសារុង បើសិនគេស្លៀកវាអោយចំពេលវេលា វានឹងបង្ហាញអោយឃើញភាពសិចស៊ីមិនចាញ់ឈុតរាត្រីរបស់បរទេសនោះទេ.. មិនជឿមើលរូបខាងក្រោមនេះទៅ..៖

From: www.knn-news.com

Posted by Unknown 00:13 0 comments

សិល្ប

ច្បាប់ធ្វើអាជីវកម្មទាំង ៩ របស់មហាសេដ្ឋី Mark Cuban

នៅពេលដែលនិយាយពីឈ្មោះលោក Mark Cuban ប្រិយមិត្តទំនងជាមិនសូវស្គាល់ច្បាស់ប៉ុន្មាននោះឡើយ ហើយលោកហាក់មិនសូវជាលេចធ្លោនៅលើឆាកអន្តរជាតិខ្លាំងដូចមហាសេដ្ឋី Bill Gates មហាសេដ្ឋី Mark Zuckerberg ឬ មហាសេដ្ឋី Warren Buffett នោះទេ។ យ៉ាងណាមិញ បើនិយាយនៅបរិបទលើទឹកដីអាមេរិកវិញ មហាសេដ្ឋីវ័យ ៥៦ ឆ្នាំរូបនេះ គឺជាអ្នកជំនួញដ៏មានប្រជាប្រិយភាពមួយរូបសំបូរទៅដោយយុទ្ធសាស្ត្រមិនធម្មតាដែរ។

សម្រាប់ដំបូន្មានអាជីវកម្ម មហាសេដ្ឋីជំនួញខាងលើបានបង្ហាញផ្លូវពីគន្លឹះធ្វើអាជីវកម្មមួយចំនួនដែលជាច្បាប់របស់លោកក្នុងការបង្កើត ដឹកនាំ និង គ្រប់គ្រងអាជីវកម្មចំនួន ៩ ដូចខាងក្រោមនេះ៖

១) ចង់បង្កើតក្រុមហ៊ុនមួយលុះត្រាតែអ្នកមានក្តីស្រមៃ និង ស្រលាញ់លើមុខរបរអាជីវកម្មរបស់អ្នក។ បើគ្មានក្តីស្រមៃ និង ក្តីស្រលាញ់ដាក់ចិត្តទៅលើមុខរបរអាជីវកម្មរបស់អ្នកទេនោះ សូមកុំបង្កើតវាឡើង។

២) បើអ្នកមានយុទ្ធសាស្ត្រធ្វើអាជីវកម្ម នោះមិនមែនជាក្តីស្រមៃរបស់អ្នកនោះទេ។

៣) ជួលបុគ្គលិកដែលអ្នកគិតថា ស្រលាញ់ និង ពេញចិត្តការងាររបស់អ្នកដូចអ្នកដែរ។

៤) ការលក់ អាចធានាបានអ្វីៗទាំងអស់នៅក្នុងក្រុមហ៊ុនរបស់អ្នក។ អ្នកត្រូវដឹងពីរបៀបរកលុយឲ្យក្រុមហ៊ុនរបស់អ្នក ហើយនោះគឺការធ្វើឲ្យការលក់របស់អ្នកមានប្រសិទ្ធភាព និង កើនឡើងជាបន្តបន្ទាប់។

…កត្តា៨ យ៉ាងដែលអាចបន្តបំផ្លាញអាជីពការងាររបស់លោកអ្នកនៅឆ្នាំ ២០១៥នេះ…

៥) អ្នកត្រូវដឹងពីសមត្ថភាពស្នូល ឬ លក្ខណៈពិសេសនៅក្នុងក្រុមហ៊ុនរបស់អ្នក និង ត្រូវផ្ដោតទៅលើវាជាអាទិភាពជានិច្ច។ បន្ទាប់មកជួលមនុស្សឲ្យធ្វើការសម្រួចសមត្ថភាពស្នូលនោះឲ្យកាន់តែមុតស្រួចឡើង។

៦) ជួលបុគ្គលិកដែលធ្វើឲ្យក្រុមហ៊ុនរបស់អ្នកមានថាមពលជានិច្ច។ កុំជួលបុគ្គលិកដែលចង់តែត្រួតត្រាគេ កុំជួលបុគ្គលិកដែលចង់តែបានតំណែងខ្ពស់ កុំជួលបុគ្គលិកដែលចង់តែកសាងអាណាចក្រតែម្នាក់ឯងនៅក្នុងក្រុមហ៊ុនរបស់អ្នក។ មនុស្សប្រភេទនេះ អ្នកមិនគូរអនុញ្ញាតឲ្យមកធ្វើការនៅក្នុងក្រុមហ៊ុនរបស់អ្នកនោះឡើយ។

៧) ផ្តល់លទ្ធភាពឲ្យបុគ្គលិកគ្រប់រូបនៅក្នុងក្រុមហ៊ុនរបស់អ្នកចេះប្រើប្រាស់ឧបករណ៍បច្ចេកវិទ្យាថ្មីៗដោយចំហ។ កុំបិទសិទ្ធិពួកគេឲ្យសោះ បច្ចេកវិទ្យាគឺជាអ្វីដែលធ្វើឲ្យបុគ្គលិកក្រុមហ៊ុនរបស់អ្នកកាន់តែទាន់សម័យ ហើយពួកគេអាចជួយស្វែងរកគន្លឹះពង្រីកអាជីវកម្មរបស់អ្នកដើរទន្ទឹមនឹងជាមួយប្រព័ន្ធបច្ចេកវិទ្យាទៀតផង។

៨) កុំជួលសេវាកម្មទំនាក់ទំនងសាធារណៈ (PR) ពីក្រុមហ៊ុនផ្សេងមកធ្វើការឲ្យអ្នក។ អ្នកត្រូវជួលមនុស្សដែលមានសមត្ថភាពខាងទំនាក់ទំនងសាធារណៈឲ្យអ្នកវិញ ដើម្បីធ្វើការប្រចាំការឲ្យអ្នក ព្រោះថាពួកគេនឹងអាចសហការជាមួយអ្នកគ្រប់ពេល។

៩) អ្នកត្រូវធ្វើឲ្យបរិស្ថាននៅកន្លែងការងាររបស់អ្នកផ្តល់ភាពរីករាយដល់បុគ្គលិកគ្រប់រូបជានិច្ច។ នៅពេលដែលបុគ្គលិកមានភាពរីករាយ ពួកគេធ្វើការដោយមានកម្លាំងចិត្ត មានថាមពល និង អាចជួយឲ្យសមិទ្ធផលការងាររបស់អ្នកដើររលូនទៅមុខទៀតផង៕

From: http://www.thebnews.com/news/7499/

Posted by Unknown 00:05 0 comments

សិល្ប

វិធីសាស្ត្រទាក់ទងស្នេហាមនុស្សស្រីមានចរិតអៀនឱ្យបាក់ស្រឡាញ់

បញ្ចូលអត្ថបទ ៖ ចន្ទ្រគ្រាស

ថ្ងៃពុធ ទី១១ ខែមីនា ឆ្នាំ២០១៥ ម៉ោង ១០:២៣

ចរិតលក្ខណៈពីធម្មជាតិរបស់មនុស្សមានភាពខុសប្លែកពីគ្នា អ្នកខ្លះអៀន អ្នកខ្លះសុភាព និងអ្នកខ្លះឆ្នាស ដូចនេះមធ្យោបាយតាមចែចង់ស្នេហាអ្នកទាំងនោះក៏ខុសគ្នាដែរ ។

ចំពោះមនុស្សស្រីមានចរិតអៀនតើធ្វើម៉េចអាចឱ្យបាក់ចិត្តស្រឡាញ់អ្នបាន ។
១-កុំព្យាយាមសួរនារីមានចរិតអៀនច្រើនដូចជាសួរបុគ្គលិកសម្ភាសចូលធ្វើការឱ្យសោះ ដូចជាសួរថា តើកញ្ញាឈ្មោះអ្វី ? ចូលចិត្តអ្វី? ការចោទសួរ ជាប់ៗគ្នា នឹងមិនអាចជួយដល់អ្នកទាក់ទាញទឹកចិត្តនាងបានឡើយ ក្នុងនោះការប្រើក្រសែភ្នែកទាក់ទងគ្នា និងការចោទសួររឿងដូចជា តើអ្នកនាងចូលចិត្តខ្ញុំទេ ? ឬក៏អ្វីផ្សេងក៏ដូចគ្នាដែរ ។

២-រក្សាចិត្តឱ្យត្រជាក់ ឬស្ងប់ស្ងាត់ ពោលគឺសម្តែងអារម្មណ៍តាមធម្មជាតិ ទើបជាការប្រសើរ។ ត្រូវចងចាំថា រាល់អ្វីដែលអ្នកធ្វើកុំសម្តែងនូវសកម្មភាព ប្លែកៗឱ្យសោះ ។

៣-ទុកឱ្យនារីដែលមានចរិតអៀនខ្មាសនោះជាអ្នកបើកផ្លូវឱ្យអ្នកវិញ ។ ប្រសិនជាអ្នកមានអារម្មណ៍ថាអ្នកដទៃហាក់ផ្តល់ឱកាសឱ្យអ្នកដែរ ចូរឱ្យគេជជែកឱ្យច្រើនបន្តិចជាមួយនាង ។

៤-មិនត្រូវនៅស្ងៀមដែរទេ ប្រសិនជាវាកើតឡើងមែនត្រូវគិតអំពីកម្មវត្ថុមួយ ឬបុគ្គលម្នាក់នឹងដើរចេញពីអ្នកក្រោយពេលអ្នកពុំបានចោទសួរឆ្លើយឆ្លងជាមួយនារីចរិតអៀន៕

From: http://kohsantepheapdaily.com.kh/article/116347.html

Posted by Unknown 11:58 0 comments

សិល្ប

ធ្វើយ៉ាងណាទើបអាចទាញយកហ្គេមចោរលួចឡានដោយសេរី និងឥតគិតថ្លៃនៅលើ iOS បាន??

ប្រិយមិត្តមួយចំនួនប្រាកដជាបានស្គាល់រួចមកហើយអំពីហ្គេមចោលួចឡានដែលមានឈ្មោះថា Grand Theft Auto San Andreas ហើយឈ្មោះកាត់របស់វាគឺ GTA San Andreas ហ្គេមមួយនេះគឺជាហ្គមដែលកំពុងតែល្បីល្បាញនិងមានចំនួនអ្នកលេងច្រើនទូទាំងពិភពលោកហើយបានចេញអោយលេងនៅលើគ្រប់ Device ទាំងអស់មិនថា Android រឺ iOS រឺក៏ PC ឡើយសុទ្ធតែអាចលេងបានទាំងអស់ប៉ុន្តែសម្រាប់នៅលើ iOS ហ្គេមមួយនេះបានដាក់លក់នៅលើ App Store តម្លៃរបស់វាគិតមកដល់ពេលនេះគឺ 6.99$ បើគិតសម្រាប់ប្រិយមិត្តមួយចំនួនគិតថាវាមានតម្លៃថ្លៃណាស់ដូច្នេះហើយប្រហែលជាមានប្រិយមិត្តមួយចំនួនចង់ធ្វើការទាញយកហ្គេមនេះបានដោយមិនគិតថ្លៃ ថ្ងៃនេះខេមបូនឹងធ្វើការបង្ហាញពីវិធីទាញយកហ្គេម Grand Theft Auto San Andreas នៅលើ iOS Device ដោយមិនគិតថ្លៃជាមួយនឹង Tweak ដែលមានឈ្មោះថា Linkstore ។

ប្រិយមិត្តមួយចំនួនប្រហែលជាបានស្គាល់ Tweak នេះរួចមកហើយ Linkstore គឺជា Tweak ដែលអនុញ្ញាត្តអោយយើងធ្វើការទាញយកហ្គេមរឺកម្មវិធីដែលដាក់លក់នៅលើ Appstore បានដោយសេរីនិងអាចប្រើប្រាស់បាន ដូច្នេះចង់ដឹងថាតម្រូវការនិងវិធីប្រើប្រាស់ Tweak នេះយ៉ាងណានោះសូមតាមដានខាងក្រោមដើម្បីដឹងពីវិធីទាញយកហ្គេម GTA San Andreas ទាំងអស់គ្នា :

តម្រូវការ

iDevices ដែលដំណើរការគ្រប់ប្រព័ន្ធប្រតិបត្តិការណ៍ ចាប់ពី iOS 8 ឡើងទៅ
មានការ jailbreak ត្រឹមត្រូវ និងមានតម្លើង Cydia រួចជាស្រេច
របៀបតម្លើង និងរបៀបប្រើប្រាស់ :

ចូលទៅក្នុង Cydia រួចធ្វើការ Add Source http://cydia.myrepospace.com/camboreporteam
ប្រសិនបើប្រិយមិត្តមាន Source រួចរាល់សូមធ្វើការ Refresh
បន្ទាប់ពីធ្វើការ Add Source រឺ Refresh រួចរាល់សូមធ្វើការស្វែងរក AppSyc ( 5x -> 8.X) ហើយ Linkstore For iOS 8 និងធ្វើការតម្លើងវារួច Restart Springboard
ដើម្បីអោយដំណើរការកាន់តែរលូនសូមធ្វើការ បិទបើក Device របស់ប្រិយមិត្ត
បន្ទាប់មកសូមចូលទៅកាន់ App Store ស្វែងរក GTA San Andreas រឺចុចតាម តំណរនេះ ក៏បាន
សូមចុចពាក្យ Get With Linkstore និងចុចពាក្យ Direct ហើយធ្វើការទាញយកជាការស្រេចវានឹងធ្វើការទាញយកនិងតម្លើងដោយស្វ័យប្រវត្តិ

បើសិនជា Link Direct មិនដំណើរការប្រិយមិត្តអាចសាកល្បងជាមួយនឹង Link ផ្សេងៗបានដូចជា Filedrivex រឺ Filepup ផ្សេងៗជាដើម។
ជាចុងក្រោយ សូមអរគុណប្រិយមិត្តទាំងអស់ដែលតែងតែគាំទ្រខេមបូ។ ខេមបូសង្ឃឹមថាប្រិយមិត្តនឹងពេញចិត្តជាមួយ Tweak មួយនេះ ហើយក្រុមការងារយើងនឹងខិតខំស្វែងរកកម្មវិធីណាដែលប្លែកសម្រាប់ចែកជូនប្រិយមិត្ត ក៏ដូចជាចំណីអារម្មណ៍ថ្មីៗផងដែរ។

From: http://www.cambo-report.com/news7/GTA-SanAndres-Free.aspx

Posted by Unknown 09:55 0 comments

សិល្ប

បើមានចំណុចសំខាន់ៗទាំង៥នេះ អ្នកអាចកំណត់ពីភាពជោគជ័យទៅថ្ងៃអនាគតបាន!

មនុស្សណាក៏ចង់ទទួលបានភាពជោគជ័យក្នុងជីវិតដែរ ប៉ុន្តែគ្រាន់តែមានចិត្តចង់បានតែមួយមុខ វាមិនអាចធ្វើឲ្យជោគជ័យនោះឡើយ ដូច្នេះបានជាមនុស្សជោគជ័យមានតិច ខណៈមនុស្សបរាជ័យមានច្រើនក្នុងលោកនេះ។ មានមូលហេតុជាច្រើនដែលនាំឲ្យមនុស្សមិនអាចទទួលបានភាពជោគជ័យ ដូចជា ខ្វះការតស៊ូ ខ្វះចំណេះដឹង ខ្វះបទពិសោធន៍ និង ខ្វះទំនាក់ទំនងជាដើម។ ដើម្បីអាចទទួលបានភាពជោគជ័យក្នុងជីវិត អ្នកត្រូវតែមានជំនាញសំខាន់ៗមួយចំនួនដូចខាងក្រោម៖

១) ការអាន
ការអានពិតជាមានសារៈសំខាន់ខ្លាំងណាស់សម្រាប់មនុស្សគ្រប់រូប ព្រោះវាជួយឲ្យអ្នកទទួលបានចំណេះដឹងជាច្រើនប្រភេទដែលមានប្រយោជន៍សម្រាប់ជីវិត។ កាលណាអ្នកមានចំណេះដឹងគ្រប់គ្រាន់តាមរយៈការអាននោះ វាគឺជាទុនដ៏សំខាន់សម្រាប់អ្នកក្នុងការធ្វើកិច្ចការផ្សេងៗ ព្រោះបើគ្មានចំណេះដឹង និង ព័ត៌មានទេ អ្នកមិនអាចធ្វើការសម្រេចចិត្តប្រកបដោយប្រសិទ្ធភាពឡើយ។

២) ចម្ងល់
ការឆ្ងល់ គឺជាជំហានដ៏សំខាន់មួយដែលនាំឲ្យមនុស្សអាចរកឃើញនូវអ្វីល្អៗ និង ថ្មីៗដែលមានប្រយោជន៍សម្រាប់ជីវិតប្រចាំថ្ងៃ។ ឧទាហរណ៍ថា អ្នកចង់បើកអាជីវកម្មមួយ អ្នកត្រូវមានសំណួរជាច្រើន ដើម្បីស្វែងរកចម្លើយ ដូចជា តើជាអាជីវកម្មអ្វី? មានធនធានគ្រប់គ្រាន់ឬទេ? អតិថិជនជានរណា? និង សំណួរផ្សេងៗទៀត។ ដូច្នេះហើយ អ្នកត្រូវបង្កើតសំណួរឲ្យបានច្រើនរាល់ពេលធ្វើអ្វីមួយ ដើម្បីជៀសវាងបញ្ហាកើតឡើងនៅពេលក្រោយទៀត។

៣) ចេះបត់បែន
រាល់ការធ្វើកិច្ចការអ្វីក៏ដោយ អ្នកត្រូវតែចេះបត់បែនតាមស្ថានការណ៍ឲ្យបានល្អបំផុត ព្រោះបើមិនដូច្នោះទេ ប្រាកដជាត្រូវផុងក្នុងបញ្ហាងើបមុខមិនរួចឡើយ ព្រោះអ្វីៗតែងតែប្រែប្រួលជានិច្ច។ ក្នុងន័យនេះ អ្នកត្រូវតែតាមដានស្ថានការណ៍ជុំវិញខ្លួនឲ្យបានល្អបំផុត ដើម្បីប្រាកដថា ការសម្រេចចិត្តរបស់អ្នកនឹងមិនបង្កបញ្ហា។ ប្រសិនបើ អ្នកបត់បែន និងសម្របខ្លួនទៅនឹងស្ថានការណ៍កំពុងកើតឡើងមិនបានទេ អ្នកពិតជាពិបាកទទួលជោគជ័យណាស់។

៤) ការទំនាក់ទំនង
ការទំនាក់ទំនងពិតជាមានសារសំខាន់ខ្លាំងណាស់ក្នុងជីវិតរស់នៅ ព្រោះវាជួយឲ្យមនុស្សគ្រប់គ្នាអាចប្រាស្រ័យទាក់ទងគ្នាទៅវិញទៅមកដោយងាយ។ ទោះបីមានចំណេះដឹងខ្ពស់ប៉ុណ្ណាក៏ដោយ អ្នកមិនអាចជោគជ័យដោយងាយឡើយ បើខ្វះជំនាញទំនាក់ទំនង។ ដូច្នេះ អ្នកគួរតែព្យាយាមពង្រឹងជំនាញនេះឲ្យបានរឹងមាំ។

…តើអ្វីទៅជាអាវុធសម្ងាត់របស់នាយកប្រតិបត្តិ (CEO) ក្រុមហ៊ុនកំពូលៗក្នុងលោក?…

៥) ការងារក្រុម
បើទោះបីជាពូកែយ៉ាងណាក្តី មនុស្សម្នាក់មិនអាចរ៉ាប់រងធ្វើកិច្ចការរាប់រយជំពូកតែម្នាក់ឯងហើយទទួលបានជោគជ័យទេ ពោលគឺត្រូវតែមានការចូលរួមធ្វើការជាក្រុម។ ជាការពិត ការធ្វើការងារជាក្រុមមិនងាយស្រួលប៉ុន្មានទេ ព្រោះមនុស្សម្នាក់ៗសុទ្ធតែមានគំនិតផ្ទុយពីគ្នា។ ប៉ុន្តែត្រូវតែរៀនធ្វើការ ហើយសម្របសម្រួលជាមួយគ្នាដើម្បីទាញយកប្រយោជន៍ឲ្យបានច្រើន៕

From: http://www.thebnews.com/news/11313/

Posted by Unknown 09:34 0 comments

សិល្ប

ធ្វើយ៉ាងម៉េចអាចលួចយកអតិថិជនរបស់ដៃគូប្រជែងបាន?

ប្រសិនបើអ្នកស្ដាប់មួយភ្លែត ហាក់ដូចជាភាសានេះ អាក្រក់បន្តិច និងអសីលធម៌ទៀតផង។ ប៉ុន្តែ ជាការពិតសង្គ្រាមនៅលើទីផ្សារនាបច្ចុប្បន្ន គឺចៀសមិនផុតនោះទេការស្ទូចយកអតិថិជនពីគ្នាទៅវិញទៅមក សំខាន់កុំឲ្យតែប្រើវិធីស្មោកគ្រោកដែលចាត់ទុកថាជាអំពើអាក្រក់តែប៉ុណ្ណោះ។

ពិតណាស់ដែលថា ប្រសិនបើអតិថិជន ធ្លាប់តែជាម៉ូយចាស់របស់អ្នកផ្សេង ស្រាប់តែនៅសុខៗរត់មករកក្រុមហ៊ុនរបស់អ្នក អ្នកប្រាកដជាមិននិយាយជាដាច់ខាតថា ពួកគេត្រូវតែរក្សាភក្ដីភាពសម្រាប់គូប្រកួតរបស់អ្នក។ ពិតជាអីចឹងមែនទេ? អ្នកសប្បាយនៅពេលដណ្ដើមម៉ូយពីគូប្រកួត ហើយគូប្រកួតអ្នកក៏សប្បាយ នឹងស្ទូចអតិថិជនពីអ្នកវិញដែរ។ ក្នុងរបររកស៊ី គឺវាអីចឹង។ មែនទេ?

ប្រសិនបើលោកអ្នកកំពុងរកវិធីអូសទាញយកអតិថិជន តើគួរធ្វើតាមវិធីណាខ្លះ? ខាងក្រោមនេះគឺជាគន្លះសំខាន់ៗដែលអ្នកគួរពិចារណា។

១) រក្សាទំនាក់ទំនងកុំឲ្យដាច់

«ការអង្គុយនិយាយគ្នា ការនិយាយខ្សឹបខ្សៀវពីមាត់មួយទៅមាត់មួយ» ត្រូវបានជាគេចាត់ទុកថា «ឮតាមខ្យល់បក់» ព្រោះអ្វីដែលឮគេថា ពុំសុទ្ធតែពិតទាំងអស់ទេ ប៉ុន្តែក្នុងការប្រកបរបររកស៊ី លោកអ្នកត្រូវប្រមូលព័ត៌មានឱ្យបានគ្រប់ជ្រុងជ្រោយ។ អ្នកគួរ ស្ដាប់គេនិយាយអ្វី ក៏ស្ដាប់សិនទៅដើម្បីប្រមូលព័ត៌មាន ស្ដាប់គេនិយាយច្រើន អ្នកនឹងទទួលបានព័ត៌មានច្រើន អាចជាការរិះគន់ដើម្បីស្ថាបនា អាចព័ត៌មានពីគូប្រកួតរបស់អ្នក។ ស្ដាប់ត្រង់ចំណុចនេះ គឺមានន័យថា អ្នកត្រូវស្ដាប់អតិថិជន មិនមែនអតិថិជនអ្នក ឬ អតិថិជនគូប្រកួត។ ត្រូវចុះជាប់ជាប្រចាំ តាមដានព័ត៌មានដំណឹងអំពីមុខរបររបស់លោកអ្នក ឧស្សាហ៍ប្រាស្រ័យទាក់ទងជាមួយមិត្តភក្តិរកស៊ីជាមួយគ្នា។

ធ្វើដូចនេះបាន ចំណេះដឹងផ្សេងៗមូលមកលើដៃអ្នក លោកអ្នកដឹងសព្វតាំងពីមនុស្សគ្រាក់ៗដែលចេញពីកន្លែងចាស់ និងបំណងរបស់គេ គេចង់ទៅណាទៀត? អតិថិជនមិនពេញចិត្តនឹងអ្នកទៅនឹងរឿងអ្វី? ផលិតផលគុណភាពអន់? ការផ្គាប់ចិត្តអតិថិជនអត់? ចំណង់ចំណូលចិត្តអតិថិជនមានការប្រែប្រួល? ទាំងអស់នេះគឺសុទ្ធតែជាព័ត៌មានសារសំខាន់សម្រាប់អ្នក។

២) ពិនិត្យមើលប្រវត្តិរូបគូប្រកួតអ្នកនៅលើបណ្ដាញសង្គម

ប្រសិនបើលោកអ្នកស្គាល់មនុស្សដែលជាស្នូលនៅក្នុងក្រុមហ៊ុនគូប្រកួតរបស់អ្នក សូមបើកមើលប្រវត្តិរូបរបស់គេនៅក្នុងបណ្ដាញសង្គម facebook ឬ LinkedIn ។ ធ្វើដូចនេះ លោកអ្នកអាចដឹងអំពីព័ត៌មានខ្លះៗអំពីអតិថិជនរបស់គេ ឬវិធីទាក់ទងជាមួយអតិថិជនគេ ឬពិធីផ្សេងៗ ក្នុងមុខរបររបស់គេដែលមានប្រយោជន៍សម្រាប់អ្នក។ ចូរលោកអ្នករកវិធីទាក់ទងជាមួយអ្នកទាំងនោះ ប្រសិនបើអ្នកសង្កេតឃើញថាមនុស្សសំខាន់ៗមួយចំនួនដែលកំពុងធ្វើការទាក់ទងជាមួយអតិថិជន ឬមានបណ្ដាញមាំជាមួយអតិថិជន។ អ្នកអាចទាញបុគ្គលទាំងនោះឱ្យមកធ្វើការជាមួយអ្នក ធ្វើអីចឹងអ្នកនឹងអាចវាយលុកទីផ្សារគូប្រកួតបានលឿន។

៣) យុទ្ធសាស្ត្រប្រើបណ្ដាញសង្គម

អ្នកគួរបើកទំព័រ Facebook របស់គូប្រកួត ហើយរកមើលកន្លែងផ្ដល់មតិផ្សេងៗ និងការចែករំលែកផ្សេងៗដែលបង្ហោះតាមបណ្តេញសង្គមមួយនេះ ថាតើមាននរណាខ្លះបញ្ចេញមតិ ឬចែករំលែកព័ត៌មានអំពីផលិតផល ឬអ្វីដែលថ្មីដែលក្រុមហ៊ុនគូប្រកួតទើបចេញ? តាមដានអតិថិជនដែលមានសកម្មភាពនៅលើបណ្ដាញសង្គមគូប្រកួត នោះនៅពេលណាមួយគេនឹង Follow facebook’s page របស់អ្នកវិញ។

បណ្ដាញសង្គមមានច្រើន ដូចជា LinkIn , Twitter, Facebook ប៉ុន្តែ នៅស្រុកខ្មែរ គេនិយមប្រើ Facebook ជាងគេ។ នៅត្រង់ចំណុចនេះអ្នកគួររៀបយុទ្ធសាស្ត្របណ្ដាញសង្គមរបស់អ្នកឱ្យបានមាំទាំជាងគូប្រកួត និងជាពិសេសត្រូវបង្ហាញតម្លៃ និងលក្ខណៈពិសេសលើសគូប្រកួតរបស់អ្នកទៅកាន់មនុស្សទាំងនោះ។

៤) ត្រូវឆ្លាតបន្តិច

អ្នកអាចលក់ទំនិញចុះថ្លៃចំពោះអ្នកដែលយកក្រដាស ឬ ខិត្តប័ណ្ណផ្សាយពាណិជ្ជកម្មតាមសារព័ត៌មានរបស់គូប្រកួត។ អ្នកអាចសាកល្បងក្រោយពេលគូប្រកួតបិទទ្វារហាង ហើយ លោកអ្នកសាកបន្តលក់ទៀតលមើល។ រកវិធីច្បាមយកទីផ្សារ តាមអ៊ីនធឺណិតពោលគឺបង្កើនការផ្សព្វផ្សាយ ឲ្យដល់ដៃអតិថិជនដែលជាមុខសញ្ញារបស់លោកអ្នក ឬអតិថិជនគោលដៅ ក្រោយពេលគេចេញពីគេហទំព័ររបស់គូប្រកួត។

៥) ធ្វើឲ្យអតិថិជនដៃគូប្រកួតក្លាយជា VIP របស់អ្នក

ពាក្យថា មិនស៊ីជោរទេ តែបើបង្អាប់ខឹង ក៏មិនខុសអីនៅក្នុងភាសាជំនួញនោះដែរ។ អ្នកចង់ឲ្យអាជីវកម្មរបស់អ្នកមានឧត្តមភាព តែអតិថិជន ឬ មនុស្សជាច្រើនទៀតកំពុងធ្វើអាជីវកម្មជាមួយដៃគូប្រជែងរបស់អ្នកក៏ត្រូវការឧត្តមភាពដូចអ្នកដែរ។ ដូច្នេះ ការបង្កើនទំនាក់ទំនងកាន់តែជិតស្និទ្ធជាមួយបុគ្គលទាំងនោះ នឹងធ្វើឲ្យអ្នកមានទឹកមាត់លេបកាន់តែច្រើន។ អ្នកអាចចំណាយពេលវេលាមួយចំនួនដូចជាអញ្ជើញបុគ្គលទាំងនោះទៅទទួលទានអាហារថ្ងៃត្រង់ ធ្វើឲ្យដូចជា VIP របស់អ្នក។ នេះហើយជាឱកាសដ៏ល្អ ព្រោះថា ដៃគូប្រជែងរបស់អ្នកប្រហែលជាមិនធ្លាប់បានធ្វើអញ្ចឹងពីមុនមកផងក៏មិនដឹង?

៦) អ្នកត្រូវឈរនៅជ្រុងម្ខាងនៃដៃគូប្រជែង

ដូចម្តេចទៅហៅថា អាជីវកម្មជោគជ័យ? ចម្លើយនោះមិនពិបាកឆ្លើយនោះទេ ពោលគឺអាជីវកម្មណាដែលទទួលបានការគាំទ្រច្រើនពីអតិថិជន នោះហើយជាអាជីវកម្មដែលជោគជ័យ។ ចុះបើអាជីវកម្មរបស់អ្នកមិនដែលធ្លាប់ភ្លក់រសជាតិជោគជ័យ ខណៈដែលអាជីវកម្មដៃគូរបស់អ្នកកំពុងមានសក្ដានុពលនៅក្នុងទីផ្សារ នោះមិនកាន់តែវីវរធំទេឬយ៉ាងម៉េច? ដូច្នេះហើយជាអ្វីដែលអ្នកត្រូវសិក្សាស្វែងយល់ឲ្យបានច្បាស់ក្នុងបង្កើតអត្តសញ្ញាណពិសេសមួយសម្រាប់អាជីវកម្មរបស់អ្នក។ ភាសាសមញ្ញាគឺ« យើងឲ្យតម្លៃលើអតិថិជន» ឬ « យើងប្ដេជ្ញាចិត្តបង្កើតគុណភាពមួយឲ្យល្អដាច់គេ» អាចជាយុទ្ធសាស្ត្រវាយលុកទីផ្សារយ៉ាងមានប្រសិទ្ធភាព។ ការធ្វើឲ្យអតិថិជនដឹងថា ផលិតផលឬ សេវាកម្មរបស់អ្នកខុសគ្នាដាច់ស្រលះពីដៃគូប្រជែងរបស់អ្នក នោះហើយបញ្ជាក់ថា ពួកគេកំពុងចាប់ផ្តើមលង់ស្នេហ៍មកលើអ្នកហើយ។

៧) ចំណាយប្រាក់ទិញទឹកចិត្តអតិថិជនរបស់ដៃគូប្រជែង

គ្មានឡើយនៅក្នុងវិស័យអាជីវកម្មដែលអ្នកគិតថា អាចជោគជ័យដោយមិនចំណាយលុយកាក់។ ការអន្ទងចិត្តអតិថិជនដៃគូប្រជែងរបស់អ្នកក៏ដូច្នេះដែរ។ តើអ្នកត្រូវផ្តល់ឲ្យអតិថិជនក្នុងកម្រិតណាដើម្បីឲ្យពួកគេស្ម័គ្រចិត្តទទួលយកផលិតផល ឬ សេវាកម្មរបស់អ្នក? ជាឧទាហរណ៍ ក្រុមហ៊ុន T-Mobile បានផ្តល់ឲ្យអតិថិជនដោយឥតគិតថ្លៃ(Free)ឬ បញ្ចុះតម្លៃ ( Discount ) ចំពោះអ្នកណាដែលបានមកដល់មុនគេ។ នេះហើយជាយុទ្ធសាស្ត្រចំណាយប្រាក់ដ៏មានប្រសិទ្ធភាពមួយក្នុងចំណោមយុទ្ធសាស្ត្រទីផ្សារផ្សេងៗទៀត ដែលអាចឆក់យកអតិថិជនភ្លាមៗ ដើម្បីប្រយោជន៍ក្រុមហ៊ុនក្នុងរយៈពេលវែង។

៨) សម្លឹងមើលគោលដៅរយៈពេលវែង

អ្នកចំណាយប្រាក់ ដើម្បីបានចំណូលមកវិញ មិនថាអញ្ចឹង? ការចំណាយលុយទាក់ទាញអតិថិជនថ្មីដែលកំពុងធ្វើអាជីវកម្មជាមួយដៃគូប្រជែងរបស់អ្នក គឺរឿងដែលអ្នកត្រូវធ្វើឡើង បើទោះបីជាអតិថិជនទាំងនោះមិនមែនសុទ្ធតែជ្រើសរើសយកអ្នកទាំងអស់ក៏ដោយ។ តែអ្នកត្រូវចាំថា អតិថិជនដែលទទួលស្គាល់ផលិតផល ឬសេវាកម្មរបស់អ្នកនៅពេលនេះ នឹងមានឥទ្ធិពលនៅលើទីផ្សារអាចជួយជ្រោមជ្រែងឲ្យអ្នកនាំប្រាក់ចំណូលមកវិញ នឹងកាន់តែច្រើនឡើងៗនៅពេលអនាគត។ ដូច្នេះ អ្នកកុំចំណាយប្រាក់សម្រាប់គោលដៅថ្ងៃស្អែក តែដើម្បី៥ ឆ្នាំ ១០ ឆ្នាំ ឬ ២០ឆ្នាំខាងមុខ៕

ប្រែសម្រួល៖ អន សំអាង

កែសម្រួល៖ ខេវិន
ប្រភព៖ businessknowhow

ប្រភព: http://www.thebnews.com/news/1583/

Posted by Unknown 07:21 0 comments

សិល្ប

សកម្មភាពសំខាន់ៗចំនួន៧ ដែលមនុស្សឆ្លាតអនុវត្តប្រចាំថ្ងៃ

តើធ្វើដូចម្តេចខ្លះទើបធ្វើឲ្យលោកអ្នកក្លាយជាមនុស្សឆ្លាត? សំនួរនេះពិតជាធ្វើឲ្យប្រិយមិត្តចាប់អារម្មណ៍ ដោយហេតុថា មិត្តអ្នកអានក៏ចង់ក្លាយជាមនុស្សម្នាក់ដែលមានចំណេះដឹងឆ្លាតវៃផងដែរ។ សំនួរនេះនឹងមានបកស្រាយសម្រាប់លោកអ្នកដូចខាងក្រោម ថាតើមនុស្សឆ្លាតធ្វើអ្វីខ្លះ?

១) ផ្ដោតលើអ្នកដទៃជាសំខាន់ជាងខ្លួនឯង
មនុស្សភាគច្រើននៅជុំវិញពិភពលោក បានផ្ដោតជាសំខាន់លើខ្លួនឯងជាជាងអ្នកដទៃ។ ផ្ទុយទៅវិញសម្រាប់មនុស្សឆ្លាតបានមើលឃើញពីផលប្រយោជន៍ជាច្រើនពីមនុស្សនៅជុំវិញខ្លួន នូវអ្វីដែលខ្លួនយល់ថា បុគ្គលទាំងនោះនឹងនាំមកនូវការគាំទ្រ និង ឱកាសជាច្រើន។ នៅក្នុងស្ថានភាពបែបណាក៏ដោយ មនុស្សឆ្លាតជាទូទៅដាក់ត្រចៀកស្តាប់ច្រើនជាងនិយាយ និង ចាប់ផ្តើមពិចារណាពីរបៀបដែលធ្វើឲ្យជីវិតរបស់ខ្លួនមានការផ្លាស់ប្ដូរតាមគោលដៅដែលខ្លួនកំណត់ឡើងពីមនុស្សទាំងនោះ។

២) ចាត់ទុកខ្លួនឯងជាមនុស្សមិនគួរឲ្យចាប់អារម្មណ៍នៅក្នុងចំណោមមនុស្សម្នា
ជាធម្មតានៅពេលដើរចូលទៅក្នុងចំណោមមនុស្សម្នាជាច្រើន មនុស្សមួយចំនួនបានសម្ដែងធ្វើជាមនុស្សដែលឆ្លាតបំផុត និង មានគំនិតផ្តួចផ្តើមល្អជាងគេ។ ប៉ុន្តែបើប្រៀបធៀបទៅនឹងមនុស្សដែលឆ្លាតវៃវិញ គឺខុសគ្នាស្រលះ ត្បិតអីមនុស្សឆ្លាតចាត់ទុកខ្លួនឯងថា ជាមនុស្សដែលល្ងង់ជាងគេ គ្មានអ្នកណាចាប់អារម្មណ៍ ឬ នឹកនា។ នេះក៏ដោយសារបុគ្គលប្រភេទនេះ ទុកឱកាសឲ្យខ្លួនឯងមានឱកាសរៀនសូត្របានកាន់តែច្រើនពីចំណោមមនុស្សម្នាទាំងនោះដោយមិនតក់ក្រហល់។

៣) ចូលចិត្តសួរសំនួរទៅកាន់អ្នកដទៃ
មិនខុសពីចំណុចទី២ មានមនុស្សមិនតិចទេដែលព្យាយាមដើរតួជាធ្វើជាអ្នកឆ្លើយសំនួរដ៏ល្អដល់មនុស្សជាច្រើនទាំងដឹងថា ខ្លួនឯងនៅមានភាពស្រពិចស្រពិល ឬ មិនច្បាស់លាស់អ្វីសោះ។ ងាកមកចាប់អារម្មណ៍ពីមនុស្សដែលឆ្លាតវិញនោះគឺបានដឹងថា មានតែចម្ងល់តែប៉ុណ្ណោះដែលជាមូលដ្ឋានគ្រឹះនៃបញ្ញា ចំណេះដឹង និង ភាពវៃឆ្លាត។ ហេតុដូច្នេះហើយបានជាបុគ្គលប្រភេទនេះជានិច្ចកាលបានលើកជាសំនួរឡើង ហើយសំនួរទាំងនោះទៀតសោតមិនមែនជាសំនួរច្រំដែលៗនោះឡើយ តែជាសំនួរថ្មីៗបែបស្រាវជ្រាវ ។

…លក្ខណៈពិសេសចំនួន ១០ ដែលអ្នកដឹកនាំឆ្នើមអនុវត្តខុសពីមនុស្សធម្មតា…

៤) សម្លឹងមើលអ្វីដែលថ្មីរៀងរាល់ថ្ងៃ
ខុសពីមនុស្សទូទៅដែលចូលចិត្តដេកត្រាំត្រែងទៅនឹងអ្វីដែលកន្លងហួស ឬ អ្វីដែលផ្តល់ឲ្យពីអ្នកដទៃ មនុស្សឆ្លាតតែងសម្លឹងមើលអ្វីៗដែលថ្មីសម្រាប់ខ្លួនឯងជាប្រចាំ។ ការធ្វើបែបនេះដោយសារបុគ្គលឆ្លាតយល់ពីទំហំរបស់ពិភពលោកដែលពោរពេញទៅដោយរឿងរ៉ាវស្មុគស្មាញ និង សក្ដានុពលគ្រប់បែបយ៉ាង ដែលអាចច្របាច់បញ្ចូលក្រោមជីវិតតែមួយ។ ការរស់នៅដោយសម្លឹងមើលពីអ្វីដែលថ្មី និង រៀនជាប្រចាំនេះហើយដែលជួយជំរុញឲ្យមានការផ្លាស់ប្ដូរ សំដៅឈានទៅរកការអភិវឌ្ឍសមត្ថភាព និង ចំណេះដឹង។

៥) ផ្ដោតលើចំណេះដឹងដែលនៅខ្វះខាត ជាជាងលើចំណេះដឹងដែលមានរួចហើយ
មនុស្សឆ្លាតបានមើលឃើញថា ការទទួលយកចំណេះដឹងថ្មីៗគឺជាផ្នែកមួយដ៏សំខាន់ដើម្បីអភិវឌ្ឍសមត្ថភាពរបស់ខ្លួន។ ហេតុដូច្នេះហើយ បានជាខ្លួនផ្តោតលើចំណេះដឹងដែលខ្លួននៅខ្វះខាត ពីព្រោះវាមានការចាំបាច់ជាងការផ្ដោតលើចំណេះដឹងដែលមានស្រាប់រួចហើយ។ មនុស្សឆ្លាតបានដឹងទៀតថា ការរៀនសូត្រពីចំណុចខ្វះខាត គឺជាដំណើរផ្សងព្រេងមួយដែលគ្មានទីបញ្ចប់ ឬ ឆ្អែតឆ្អន់ដើម្បីចាក់បំពេញនូវអ្វីមួយដែលខ្លួនមិនបានទទួលលទ្ធផលល្អប្រសើរនៅពេលកន្លងមក។

៦) ស្វែងរកប្រភពដើមនូវអ្វីៗដែលកើតមាន
ការស្វែងរកប្រភពដើមនូវអ្វីៗដែលខ្លួនបានជួបប្រទះទោះបីជាអ្វីៗទាំងនោះវាជារឿងសាមញ្ញ ឬ ស្មុគស្មាញក៏ដោយ គឺជាលក្ខណៈសម្បត្តិមួយទៀតរបស់មនុស្សឆ្លាត។ ស្របតាមស្ថានភាពជាក់ស្តែង បុគ្គលល្បីៗនៅជុំវិញពិភពលោក អ្នកវិទ្យាសាស្ត្រ បុរាណវត្ថុវិទូ អ្នកប្រវត្តិសាស្ត្រ ជាដើម បុគ្គលទាំងនេះ ស្ថិតក្នុងចំណោមមនុស្សឆ្លាតដែលចង់ចេះចង់ដឹង និង ស៊ើបសួរមូលហេតុនូវអ្វីដែលបានកើតឡើងនៅពេលកន្លងមកសម្រាប់ទុកធ្វើជាភស្តុតាងបន្សល់ទុកដល់មនុស្សជំនាន់ក្រោយ។

៧) រាប់អានមនុស្សឆ្លាត និង មនុស្សមានចំណេះដឹង
វាមិនមែនជារឿងចម្លែកនោះឡើយដែលបុគ្គលឆ្លាតចូលចិត្តរាប់អានមនុស្សឆ្លាត និង មានចំណេះដឹងដូចគ្នា ដោយហេតុថា មនុស្សដែលឆ្លាតៗ និង មានចំណេះដឹងល្អៗទាំងនោះហើយដែលធ្វើឲ្យខ្លួនមានចំណេះដឹងកាន់តែទូលំទូលាយ ព្រមទាំងផ្ដល់ភាពជាគំរូសម្រាប់អភិវឌ្ឍសមត្ថភាពរបស់ខ្លួនដោយមិនចេះរីងស្ងួត៕

ប្រែសម្រួល៖ ខេវិន

From: http://www.thebnews.com/news/10871

Posted by Unknown 09:09 0 comments

សិល្ប

សាន់ដេលក់ឌីស្កតម្លៃពីរ ពាន់រៀលដើម្បីទប់ទល់ការលួចចម្លង

រាជធានីភ្នំពេញ ៖ ការលួចចម្លងស៊ីឌី (CD) និងវីស៊ីឌី (VCD) នៅតែជាកង្វល់សម្រាប់បណ្តាផលិតកម្ម ក្នុងស្រុក ព្រោះគ្រាន់តែចេញ ឌីស្ក ដើម មិនបានមួយថ្ងៃផង ឌីស្កចម្លង ដាក់លក់ព្រោងព្រាត នៅលើទីផ្សារ ។ ដើម្បីទប់ទល់នឹង ការលួចចម្លងនេះ ផលិតកម្មសាន់ដេ ដែលជា ផលិតកម្មលេចធ្លោ មួយដែរនៅក្នុងស្រុក បានប្រើវិធីសាស្ត្រ ថ្មីលក់ឌីស្កដើម តម្លៃរហូតដល់ ២ពាន់រៀល គឺប្រហាក់ប្រហែល នឹងឌីស្កចម្លង ដែលកំពុងដាក់លក់ យ៉ាងសេរីនៅលើ ទីផ្សារ ។

លោកឡាយ សុកហុក ចាងហ្វាងផលិតកម្ម សាន់ដេ បញ្ជាក់ក្នុងកម្មវិធីថតបទចម្រៀងសម្រាប់ពិធីបុណ្យ ចូលឆ្នាំថ្មី ប្រពៃណីជាតិខ្មែរ នៅ ខេត្តកំពង់ស្ពឺ កាលពីពេល ថ្មីៗនេះថា ការលក់បញ្ចុះតម្លៃ ឌីស្កកាន់តែ ទាបមិនមែនមានន័យថា ដោយសារ គុណភាពបទចម្រៀង របស់ ផលិតកម្មអន់ ឬខ្សោយជាងមុនទេ វាគឺជាយុទ្ធសាស្ត្រថ្មី សម្រាប់ទាក់ទាញអតិថិជន ឱ្យគាំទ្រកាន់តែ ច្រើនសម្រាប់ផលិតកម្ម ពិសេសទាញ អារម្មណ៍ឱ្យ ទស្សនិកជនជួយទិញ ផលិតផល របស់ក្រុម ហ៊ុន ។ វាក៏ជាវិធីសាស្ត្រ វាយប្រហារទីផ្សារ លក់ឌីស្កចម្លង ខុសច្បាប់ព្រោះតែ វាមានតម្លៃ ប្រហាក់ប្រហែលគ្នា បើទោះបីជាយុទ្ធសាស្ត្រ នេះធ្វើឱ្យចំណូលចំណេញ ពីការលក់ឌីស្កមាន កម្រិតតិច ជាងមុនក្តី ។

លោកឡាយ សុខហុក ថ្លែងថា វាដល់ពេលដែលប្រជាជនខ្មែរគួរនាំគ្នាជួយគាំទ្រផលិតផលដើមរបស់ ក្រុមហ៊ុនដែល ខិតខំផលិតស្ទើរ រក ពេលសម្រាក គ្មាននោះហើយ ។ ក្រុមហ៊ុនបាន បោះដុំឱ្យអាជីវករ នូវតម្លៃថោកសមរម្យ គឺប្រមាណពី ១.៣០០ទៅ ១.៤០០រៀល ក្នុងមួយ ឌីស្ក ដូចនេះពួកគាត់ អាចមានលទ្ធភាពស្វែង រកប្រាក់ចំណេញ ពីការលក់បាន ប្រមាណ ៦០០ទៅ៧០០រៀល ក្នុងមួយឌីស្ត ។ មិនមែនជា ការកាច់កុង ជាមួយការល ក់របស់ផលិតកម្ម ក្នុងស្រុកទេ គឺវាជាយុទ្ធសាស្ត្រ ក្រុមហ៊ុន ហើយការប្រកួតប្រជែង លើតម្លៃគឺជាសេរីភាព របស់ ក្រុមហ៊ុន នីមួយៗ ។

លោកឡាយ សុខហុក មិនបានលើកឡើងអំពីចំនួននៃការផលិតឌីស្កក្នុងមួយ វ៉ុលៗដាក់លក់នៅលើ ទីផ្សារទេ ប៉ុន្តែក្នុងរយៈពេល ថ្មីៗនេះ ក្រុមហ៊ុនលោក បានសាកល្បងលក់ ឌីស្កដើមក្នុងតម្លៃ ២.០០០ រៀល ហើយទទួល បានលទ្ធផលល្អប្រសើរ គឺធ្វើឱ្យកំណើននៃ ការលក់ កើនឡើង រហូតដល់៥០ភាគរយ ។

អ្នកចាត់ការទូទៅផលិតកម្មសាន់ដេ លោក ឡាយ សុកចំរើន និយាយថា វាគឺជាយុទ្ធសាស្ត្រ មួយតប ទៅនឹង ការស្នើសុំពី មហាជនខ្មែរមួយ ចំនួន ធំមិនមានលទ្ធភាព ទិញឌីស្កចម្រៀង ក្នុងតម្លៃពី ២ដុល្លារទៅ៣ ដុល្លារ ។ ម្យ៉ាងទៀតការធ្វើ បែបនេះក្នុងន័យឱ្យ បទចម្រៀងសាន់ ដេ ដល់ដៃមហាជន ក្នុងប្រទេសកម្ពុជា ។ បើទោះជាបញ្ចុះតម្លៃ លក់ចម្រៀងមកនៅ ត្រឹមកម្រិតទាបមិន ធ្លាប់មានពី មុនក្ដី តែគុណភាព គឺនៅ ដដែលដូចជាឆ្នាំ មុនៗដែរ សម្រាប់បទ ចម្រៀងចូលឆ្នាំថ្មី ប្រពៃណីជាតិ ។ នៅក្នុងឆ្នាំថ្មីនេះ ផលិតកម្មសាន់ដេ នឹងផលិតបទចម្រៀង ថ្មីសុទ្ធ ទាំងបទភ្លេង និងទំនុកចម្រៀង ប្រមាណពី៧០ទៅ៨០ភាគរយ ដោយមាន ចំនួន៥អាល់ប៊ុម ហើយក្នុងនោះតារា ចម្រៀងស្រី-ប្រុស ជាង២០ នាក់ នឹងមានវត្តមាន ក្នុងបទចម្រៀង ទាំងអស់គ្នា ។

តាមរយៈការលក់ CD និង VCD ដើមបញ្ចុះតម្លៃមកនៅត្រឹម២ពាន់រៀល លោកឡាយ សុកចំរើន ជឿ ជាក់ថា ផលិតកម្មសាន់ដេ នឹងអាច បំបែកកំណត់ត្រានៃ ការលក់បទចម្រៀង នៅក្នុង ប្រទេសកម្ពុជានា ពេលខាងមុខ ។ មិនត្រឹមតែទីផ្សារ ក្នុងស្រុកទេ នៅតាមបណ្ដា ប្រទេស មួយចំនួនលើ ពិភពលោកក៏អាច លក់ក្នុងតម្លៃនេះដែរ ដូចជា សហរដ្ឋអាមេរិក កាណាដា ជប៉ុន អូស្ត្រាលី បារាំង ចិន ជាដើម ។

តារាសម្តែងនាងនី មុនីនាថ និងកញ្ញាសុខ ពិសី តារាចម្រៀងប្រចាំផលិតកម្មសាន់ដេ បានថ្លែងស្រដៀង គ្នាថា វិធីសាស្ត្រដែល ផលិតកម្ម សាន់ ដេ រៀបចំនេះ គឺជាវិធីមួយល្អ ដើម្បីដេញជើងអ្នក ដែលចូលចិត្ត អង្គុយចាំតែ លួចចម្លង ។ ឌីស្កមានគុណភាពល្អ តម្លៃត្រឹមតែ ពីរឬបី ពាន់រៀល ទស្សនិកជន គួរតែជួយទិញ ឌីស្ក តម្លៃពិសេសនេះឱ្យ បានគ្រប់គ្នាដើម្បី គាំទ្រអ្នកផលិត។ ផ្ទុយទៅវិញ បើទិញឌីស្ក ចម្រៀង ក្លែងក្លាយ តម្លៃប្រហែលគ្នា តែគុណភាព អន់ជាង ដូច្នេះគួរតែងាក មកទិញរបស់ពិតវិញ ៕

From: http://www.khmerload.com/news/35699

Posted by Unknown 18:34 0 comments

សិល្ប

មិននឹកស្មានថា តារាម៉ូដែលស្រី ដ៏ស្រស់ស្អាតម្នាក់នេះ តាមពិតជា មនុស្សប្រុសសោះ

ជប៉ុន៖ វាជារឿងនឹកស្មាន មិនដល់មួយ មានតារាម៉ូដែលស្រីដ៏ស៊ិចស៊ីម្នាក់ ដែលតាមពិតទៅ នាងជាមនុស្សប្រុស។

ចំពោះ Kayo Satoh ជាតារាម៉ូដែលស្រីដ៏ល្បីមួយរូប ហើយនាង ក៏តែងតែលេចមុខ ក្នុងកម្មវិធីទូរទស្សន៍ ជារឿយៗផងដែរ។ បន្ថែមពីនេះ ទៅទៀត រូបភាព ជាច្រើនសន្លឹក ដែលនាង បានបង្ហោះ ចូលក្នុង បណ្តាញសង្គម បានធ្វើឲ្យ អ្នកលេងអ៊ីនធើណេត ចាប់អារម្មណ៍យ៉ាងខ្លាំង ព្រោះតែរូប សម្រស់ ដ៏ស្រស់ស្អាតរបស់នាង និងអមជាមួយនឹង រូបរាងដ៏ស្រឡូន។

ប៉ុន្តែអ្វីដែលធ្វើឲ្យគ្រប់គ្នា មិននឹកស្មានដល់នោះគឺ តារាម៉ូដែលវ័យ២៦ឆ្នាំរូបនេះ តាមពិតជាមនុស្សប្រុស ហើយចំពោះរឿងនេះ គ្មាននរណាម្នាក់ បានដឹងនោះទេ សូម្បីតែមិត្តភក្កិធ្វើការ ខាងម៉ូដែលជាមួយគ្នា រឺក៏អ្នកនិពន្ធទស្សនាវដ្តី ជាដើម។ គួរបញ្ជាក់ផងដែរថា Kayo Satoh បានចាក់អរម៉ូនមនុស្សស្រី តាំងពីអាយុ១៥ឆ្នាំ ហើយសម្រាប់រូបនាងផ្ទាល់ ក៏បានទទួលស្គាល់ផងដែរ ដោយបាននិយាយថា "វាជារឿងពិត ដែលខ្ញុំជាមនុស្សប្រុស"។ ចុះសម្រាប់ប្រិយមិត្ត យល់យ៉ាងណាដែរ ចំពោះរឿងនេះ?