វិបត្តិនុយក្លេអែរក្នុងប្រទេសជប៉ុននៅតែជាបញ្ហាដដែល បើទោះបីជាពេលនេះវាមានរយៈពេល៤ឆ្នាំមកហើយក្តី ក្រោយពីការវាយប្រហារដោយរលកយក្ស ដែលបណ្តាលឲ្យរោងចក្រថាមពលនុយក្លេអ៊ែរខូចខាត។
រោងចក្រអគ្គីសនីដើរដោយថាមពលនុយក្លេរអ៊ែរ Fukushima នៅតែបន្តគំរាមកំហែងប្រទេសជប៉ុនដដែល ហើយវាបានក្លាយជាបញ្ហាមួយ ដែលគេលើកមកពិភាក្សាស្ទើរាល់ថ្ងៃ។
រោងចក្រផលិតថាមពលអគ្គីសនីរបស់ជប៉ុន Fukushima បច្ចុប្បន្ននេះត្រូវបានគេហៅថាជារោងចក្រពិការ ដោយសារតែរោងចក្រផលិតអគ្គីសនីមួយនេះ ងាយនឹងបង្កគ្រោះថ្នាក់ផ្សេងៗខ្លាំងណាស់ ហើយវាទាមទាររយៈពេលយូរក្នុងការរៀបចំឲ្យមានដំណើរការដូចធម្មតាឡើងវិញ។
ទោះបីជាមានភស្តុងតាងតិចតួចក្តីចំពោះបញ្ហាវិទ្យុសកម្មពីរោងចក្រផលិតអគ្គីសនីFukushima តែក្តីបារម្ភនៅតែមានចំពោះការសាយភាយនៃធាតុវិទ្យុសកម្មទៅលើសុខភាពមនុស្ស។
Fukushima គឺជារៀងចក្រផលិតថាមពលអគ្គីសនី ដើរដោយថាមពលនុយក្លេអ៊ែរមួយរបស់ជប៉ុន ដែលបច្ចុប្បន្ននេះ ស្ថិតនៅក្រោមការគ្រប់គ្រងរបស់ក្រុមហ៊ុន Tokyo Electric Power ។
ភ្លាមៗក្រោយពីកើតហេតុការ នៃការវាយប្រហារដោយរលកយក្សស៊ូណាមិ រោងចក្រផលិតថាមពលអគ្គីសនីFukushima បានបិទម៉ាស៊ីនរ៉េអាក់ទ័រភ្លាមៗផងដែរ ដើម្បីទប់ស្កាត់ការសាយភាយនៃធាតុវិទ្យុសកម្ម៕
Post a Comment