គូរស្នេហ៍៦គូ បានរៀបក្នុងថ្ងៃតែមួយ ជាមួយនឹងបែបផែនថ្មីប្លែកដែលធ្វើឲ្យមនុស្សទប់នឹងការភ្ញាក់ផ្អើលមិនបាន។ តាមពិតទៅ រោងការមួយមានកូនកំលោះក្រមុំ ដល់ទៅ៦គូ វាជារឿងប្លែកណាស់ទៅហើយ តែប្លែកលើសពីនេះទៅទៀតនោះ គឺត្រង់ថា កូនកំលោះបែរជាក្លាយជាកូនក្រមុំ ចំណែកឯកកូនក្រមុំបែរជាក្លាយជាកូនកំលោះទៅវិញ។
អាពាហ៍ពិពាហ៍ដ៏ចម្លែកប្លែកពីគេនេះ បានត្រូវគេរៀបចំឡើងនៅក្នុងប្រទេសជប៉ុន កាលពីថ្ងៃទី១៤ មិនា កន្លងទៅ ដែលត្រូវនឹងថ្ងៃបុណ្យ "White Day" ប្រពៃណីជប៉ុន។ បើយោងតាមគេហទំព័រព័ត៌មានចិនមួយឈ្មោះ Shanghaiist។
ប្រពៃណី ឬបែបបទនៃពិធីអាពាហ៍ពិពាហ៍ ត្រូវបានគេរក្សាដដែលតែអ្វីដែលខុសប្លែកនោះ គឺត្រង់ថា កូនក្រមុំត្រូវបានតម្រូវឲ្យស្លៀកពាក់ តែងខ្លួន និងប្រើកាយវិការបែបកូនកំលោះ ចំណែកឯកូនកំលោះវិញត្រូវតម្រូវឲ្យធ្វើទៅតាមបែបកូនក្រមុំវិញ។
នេះវាជាអាពាហ៍ពិពាហ៍ចម្លែកថ្មីមួយទៀត ដែលយើងទើបតែបានឃើញជាលើកទី១នៅអាស៊ី។
From: http://news.kqube.net/content/20162/km
Post a Comment