ទីក្រុង​ទាំង​១០ដែល​មាន​សុវត្ថិភាព​បំផុត​ក្នុង​លោក

នៅ​ក្នុង​ពិភពលោក​នេះ ទីក្រុងនីមួយៗ​ មាន​លក្ខណៈ​ផ្សេងៗ​គ្នា ដោយ​មួយចំនួន​ បាន​បញ្ហា​អសន្តិសុខ​ខ្លាំង និង ខ្លះ​ទៀត​មាន​សុវត្ថិភាព​ល្អ​គួរឲ្យ​ចង​រស់នៅ។ ​កាល​ពី​ពេល​ថ្មីៗ​នេះ ស្ថាប័ន EIU (The Economist’s Intelligence Unit) ដែល​មាន​ជំនាញ​ខាង​ស្រាវជ្រាវ​នោះ បាន​ចេញ​របាយការណ៍​របស់​ខ្លួន ដោយ​បង្ហាញ​ទីក្រុង​ដែល​មាន​សុវត្ថិភាព​បំផុត​នៅ​លើ​ពិភពលោក។ ចំណុច​សំខាន់​ដែល​ កំណត់​ថា ទីក្រុង​មួយ​មាន​សុវត្ថិភាព​ប៉ុណ្ណា​នោះ គឺ​គេ​ផ្ដោត​ទៅលើ​ចំណុច​សំខាន់ៗ​ដូចជា​ សន្តិសុខ​ឌីជីថល (Digital Security) សន្តិសុខ​សុខភាព (Health security ) ហេដ្ឋារចនាសម្ព័ន្ធ (Infrastructure) និង​ សន្តិសុខ​បុគ្គល​ (​Personal Security)។ 

ខាងក្រោម​នេះ គឺជា​ទីក្រុង​ទាំង ១០ ដែល​មាន​សុវត្ថិភាព​ខ្ពស់​បំផុត​ក្នុង​លោក៖ 
១) ទីក្រុង​តូក្យូ (Tokyo) ប្រទេស​ជប៉ុន ​ទីក្រុង​នេះ មាន​ប្រជាជន​ប្រមាណ ១៣,៣ លាន​នាក់ ហើយ​ក្នុង​ម្នាក់ៗ​​អាច​រកចំណូល​បាន​ពី ៣០ ០០០ ទៅ ៥០ ០០០ ដុល្លារ​អាមេរិក​ ក្នុង​មួយ​ឆ្នាំ។ 

 ២) សិង្ហបុរី (Singapore) សិង្ហបុរី​ មាន​ផ្ទៃ​ដី​សរុប​ប្រមាណ ៧១៨,៣ គីឡូម៉ែត្រ​ក្រឡា ហើយ​មាន​ប្រជាជន​ប្រមាណ ជាង ៥ លាន​នាក់។ ក្នុង​នោះ គិត​ជា​មធ្យម​ មនុស្ស​ម្នាក់ៗ​អាច​រក​ចំណូល​បាន​ជាង ៥០ ០០០ ដុល្លារ​អាមេរិក​ ក្នុង​មួយ​ឆ្នាំ។ 

 ៣) ទីក្រុង អូសាកា (Osaka) ប្រទេស​ជប៉ុន ជា​ទីក្រុង​តូច​មួយ​របស់​ជប៉ុន​ ដែល​មាន​ផ្ទៃ​ដី​ប្រមាណ​ ២២២ គីឡូម៉ែត្រ​ក្រឡា។ បើ​និយាយ​អំពី​ចំណូល​​របស់​ប្រជាជន​ម្នាក់ៗ គឺ​មាន​លក្ខណៈ​ប្រហាក់ប្រហែល​ នឹង​ទីក្រុង​តូក្យូ​ដែរ។ 

 ៤) ទីក្រុង​ ស្តុកហូម(Stockholm) ប្រទេស​ស៊ុយអែត ​ជា​ទីក្រុង​ដ៏​ល្បី​មួយ​របស់​ស៊ុយអែត​ ដែល​ត្រូវ​បាន​​ចាត់​ចូល​ជា​ទីក្រុង​​សុវត្ថិភាព​បំផុត​លំដាប់​ទី ៤​នៅ​លើ​ពិភពលោក។ 

 ៥) ទីក្រុង​ អាស្ត៊ែរដាំ (​​Amsterdam) ប្រទេស​ហុឡង់ដ៍ ទីក្រុង​នេះ មាន​ហេដ្ឋារចនាសម្ព័ន្ធ​ល្អ និង ហើយ​មិន​សូវ​មាន​បញ្ហា​អសន្តិសុខ​កើត​ឡើង​នោះ​ទេ ដូច្នេះហើយ អាស្ត៊ែរដាំ (​​Amsterdam)​បាន​ឈរ​នៅ​លំដាប់​ទី​ ៥ ក្នុងនាម​ជា​ទីក្រុង​ដែល​​មាន​សុវត្ថិភាព​បំផុត​ក្នុង​លោក។ 

 ៦)​ ទីក្រុង​ ស៊ីដនី​ (Sydney) ប្រទេស​អូស្ត្រាលី​​ ​ទីក្រុង​នេះ មាន​ប្រជាជន​សរុប​ប្រមាណ ៤,៥ លាន ហើយ​ប្រជាជន​មាន​ជីវភាព​ខ្ពស់​ក្នុង​ការ​រស់នៅ។ 

៧) ទីក្រុង​ហ្សូរីច​(Zurich) ប្រទេស​ស្វីស​ ​ជា​ទីក្រុង​ដ៏​ល្បី​មួយ​នៅ​លើ​ពិភពលោក ហើយ​ប្រជាជន​ក្នុង​ប្រទេស​នេះ​ មាន​ប្រាក់ចំណូល​ខ្ពស់​ផង​ដែរ ដោយ​គិត​ជាមធ្យម​អាច​រក​បាន​ ជាង ៥០ ០០០ ដុល្លារ​អាមេរិក។

 ៨) ទីក្រុង​ តូរូនតូ ( Toronto) ប្រទេស​កាណាដា​ ​ជា​ទីក្រុង​ដែល​មាន​ប្រជាជន​ច្រើន​បំផុត​ ក្នុង​ប្រទេស​កាណាដា ហើយ​​ក៏​ជា​ទីក្រុង​ដែល​មាន​មនុស្ស​ជាច្រើន​ចង់​រស់នៅ​ផង​ដែរ។ 

 ៩) ទីក្រុង​ម៉ែលប៊ន ( Melbourne) ប្រទេស​អូស្ត្រាលី​​ ​ទីក្រុង​នេះ មាន​ប្រជាជន​សរុប​ប្រមាណ ៤ លាន​នាក់​ ដោយមាន​ផ្ទៃដី​សរុប​ប្រមាណ ៩ ៩៩០ ​គីឡូម៉ែត្រ​ក្រឡា ហើយ​ប្រជាជន​ក៏​មាន​កម្រិត​ជីវភាព​ខ្ពស់​ផង​ដែរ​​។ …រាជវាំង​ល្បី​ៗ​ទាំង ៧ ដែល​មាន​ទំហំ​ធំ​ជាងគេ​បំផុត​ក្នុង​ប្រវត្តិសាស្ត្រ… 

 ១០) ទីក្រុង​ ញីវយ៉ក (New York) ​ សហរដ្ឋអាមេរិក​ វា​ជា​ទីក្រុង​ទីមួយ​របស់​អាមេរិក​ដែល​ជាប់​ លំដាប់​​ខ្ពស់​ទាំង​១០​ក្នុង​តារាង​ ដែល​មាន​សុវត្ថិភាព​ខ្ពស់​ ព្រោះ​ថា​ទីក្រុង​ជា​ច្រើន​របស់​អាមេរិក​តែង​មាន​បញ្ហា​កើត​ឡើង​ ដោយសារតែ​ប្រជាជន​មាន​សិទ្ធិ​ប្រើប្រាស់​កាំភ្លើង​ស្របច្បាប់៕
from: thebnews.com