បញ្ចូលអត្ថបទ ៖ ចន្ទ្រគ្រាស
ថ្ងៃអង្គារ ទី១០ ខែមីនា ឆ្នាំ២០១៥ ម៉ោង ១៤:១៨
ក្រោយកិច្ចប្រជុំមួយរបស់រដ្ឋាភិបាល កាលពីថ្ងៃទី៩ មីនា រដ្ឋមន្ត្រីការពារប្រទេសឆេក លោក Martin Stropnicki ប្រកាសថា រដ្ឋាភិបាលបានអនុម័តយល់ព្រមលើការលក់យន្តហោះប្រយុទ្ធធុន L-159 ចំនួន១៥គ្រឿង ឱ្យអីុរ៉ាក់ដែលមានទឹកប្រាក់៧៥០លានគូរោន ប្រាក់ឆេក ស្មើនឹង៣០លានដុល្លារអាមេរិក តាមរយៈសហគ្រាស Aero Vodochody ។
ក្រសួងការពារប្រទេសឆេកកាលពីខែសីហា ឆ្នាំ២០១៤ សម្រេចបានកិច្ចព្រមព្រៀងមួយជាមួយក្រុមហ៊ុន Aero Vorochody ដើម្បីផ្តល់យន្តហោះចម្បាំងធុន L-159 ទាំងឡាយឱ្យដល់អីុរ៉ាក់ ។ សហគ្រាសនេះ ជាបឋមនឹងទិញយន្តហោះទាំងនោះពីកងទ័ពឆេក បន្ទាប់មកទើបលក់បន្តទៅអីុរ៉ាក់ ។ Aero Vorochody នឹងធានាថា បណ្តាយន្តហោះទាំងនេះនឹងយកទៅប្រើប្រាស់បាន ហើយបំពាក់ឧបករណ៍ផ្សេងៗ ព្រមទាំងគ្រាប់រំសេវបន្ថែម ។ សហគ្រាសនេះ ក៏ត្រូវត្រួតពិនិត្យផងដែរលើការបណ្តុះបណ្តាលអ្នកបើកយន្តហោះ និងបណ្តាឧបករណ៍នៅលើដី ។
ក្នុងចំណោមយន្តហោះប្រយុទ្ធ L-159 ទាំង១៥គ្រឿង ដែលផ្តល់ដល់កងទ័ពអីុរ៉ាក់១១គ្រឿង ពុំទាន់ធ្លាប់ប្រើ តែ៤គ្រឿងកំពុងប្រើដោយកងទ័ពឆេក ។ ក្នុងចំណោមយន្តហោះទាំងនោះ ១០គ្រឿងមានកៅអីតែមួយ ហើយ២គ្រឿងមានកៅអី២ ។ ចំណែក៣គ្រឿងទៀត ត្រូវធ្វើការដោះដូរគ្រឿងបន្លាស់ ។
កងទ័ពឆេកសាកល្បងលក់យន្តហោះ L-159 ក្នុងចំនួនច្រើន ពុំធ្លាប់មានចាប់តាំងពីច្រើនឆ្នាំមកហើយ ៕
From: http://kohsantepheapdaily.com.kh/article/116296.html
Post a Comment