១. ឈប់គិតតែពីលុយៗៗៗ
លុយគឺជាគោលដៅដំបូង និងចម្បងបំផុត ប៉ុន្តែត្រូវរកលុយមកដោយសុចរិតភាព។
២. ចាប់ផ្ដើមគិតថាតើអ្នកអាចជួយមនុស្សបានប៉ុន្មាន
មនុស្សដែលជោគជ័យភាគច្រើនគឺជាមនុស្សដែលអាចពឹងពាក់បាន។ ពួកគេពូកែយល់ចិត្តអ្នកដទៃ និងដឹងសុខទុក្ខអ្នកដែលនៅក្បែរខ្លួនគេ ជាពិសេសគឺក្រុមការងារ និងអតិថិជនរបស់ពួកគេ។
៣. ឈប់គិតរឿងរកប្រាក់លាន ប៉ុន្តែគិតអំពីការជួយមនុស្ស បានរាប់លាន
នៅពេលដែលអ្នកមានអតិថិជនតិច ហើយចង់រកបានលុយច្រើននោះ សូម្បីតែប្រាក់មួយកាក់ មួយសេនរបស់ពួកគេក៏អ្នកចង់បានដែរ។ ប៉ុន្តែបើសិនជាលោកអ្នកអាចរកមធ្យោបាយជួយ មនុស្សបានរាប់លាននាក់នោះ អត្ថប្រយោជន៍ដទៃទៀតនឹងមកតាមក្រោយ។
៤. ត្រូវយល់ថាការរកលុយគឺជាបង្កើតរឿងថ្មីៗជាច្រើនទៀត
តាមពិតទៅ យើងអាចចែកមនុស្សជាពីរក្រុម។ ក្រុមទី១ ពួកគេបង្កើតរបស់ថ្មីៗដោយសារពួកគេចង់បានលុយ។ របស់កាន់តែច្រើនកើតឡើង គេក៏រកលុយបានកាន់តែច្រើន។ ចំណែកឯ មនុស្សក្រុមទី២ ពួកគេចង់រកលុយព្រោះលុយទាំងនោះអាចឱ្យគេបម្រើមនុស្សបានកាន់តែច្រើន។ លោក Walt Disney បាននិយាយថា យើងមិនមែនផលិតខ្សែភាពយន្ដដើម្បីរកលុយទេ ប៉ុន្តែយើងផលិត ដើម្បីផលិតខ្សែភាពយន្ដឱ្យបានច្រើនបន្តទៀត។
៥. ធ្វើការងារណាមួយឱ្យប្រសើរជាងមុន
យើងមិនអាចធ្វើអ្វីគ្រប់យ៉ាងឱ្យបានល្អឥតខ្ជោះនោះឡើយ ប៉ុន្តែយើងគ្រាន់តែដឹងថា យើងធ្វើ អ្វីមួយឱ្យប្រសើរជាងមុនរហូត។
៦. បង្កើតបញ្ជីនៃមនុស្ស១០រូបដែលធ្វើរឿងនោះបានល្អ
តើអ្នកកំណត់ថាបុគ្គលណាម្នាក់ជាអ្នកធ្វើកិច្ចការដ៏ល្អដោយរបៀបណា? តើអ្នកវាស់ស្ទង់ភាព ជោគជ័យរបស់ពួកគេដោយរបៀបណា? ចូរអ្នកប្រើប្រាស់លក្ខខណ្ឌទាំងនោះ ដើម្បីជ្រើសរើសមនុស្សដែលល្អបំផុតទាំង១០រូប មានភាពជោគជ័យលើការងារដែលអ្នកកំពុងធ្វើ។
៧. រក្សាការលូតលាស់ឱ្យបានជាដរាប
មនុស្សភាគច្រើនជាប់នឹងលក្ខខណ្ឌនៃការវាស់ស្ទង់របស់ពួកគេ។ ប៉ុន្តែចូរអ្នករក្សាការលូតលាស់របស់អ្នកឱ្យបានជាដរាប។ អ្នកអាចវាស់ដោយចំនួននៃអតិថិជនដែលអ្នកផ្ដល់សេវាឱ្យ ឬចំនួនមនុស្សដែលអ្នកបានជួយ។
៨. បង្កើតទម្លាប់ដើម្បីធានាការលូតលាស់នោះ
សូមអ្នកកុំភ្លេចថា ការដើរដល់គោលដៅគឺពឹងផ្អែកលើការបង្កើតទម្លាប់មួយជាក់លាក់។ ឧទាហរណ៍ថាលោកអ្នកចង់សរសេរសៀវភៅមួយក្បាលដែលមាន ២០០ ទំព័រ ដូច្នេះវាអាចនឹងបានដល់គោលដៅ ប្រសិនបើអ្នកមានទម្លាប់ការសរសេរសៀវភៅក្នុងមួយថ្ងៃ ៤ទំព័រ៕
Post a Comment